Forýmnyń ıdeıasy Memleket basshysynyń «Jasandy ıntellekt dáýirindegi Qazaqstan: ózekti mindetter jáne olardy sıfrlyq transformasııa arqyly sheshý» atty Joldaýynda atap ótilgen áıelder kóshbasshylyǵyn qoldaý, kásipkerlikti damytý jáne rýhanı-otbasylyq qundylyqtardy saqtaý mindetterimen úndes.
Respublica partııasynyń qoldaýymen ótken forým tórt taqyryptyq sessııany qamtydy: bıznes, otbasy, IT jáne áleýmettik-saıası damý. Ár sessııa áıel kóshbasshylyǵynyń túrli qyrlaryn, kásipkerlik pen sıfrlyq ınnovasııalardan bastap, otbasyn nyǵaıtý men ulttyq qundylyqtardy saqtaýǵa deıin ashyp kórsetti.
Forým spıkerleri qatarynda Májilis depýtattary Aıdarbek Qojanazarov, Oljas Quspekov, Nurgúl Taý, Ekaterına Smolıakova, Dınara Naýmova, kásipkerler men sarapshylar Aıgúl Ahmetova, Sáýle Saǵadı, Maqpal Oraqqyzy, Laýra Vaıgorova, medıa sarapshy Sandı Sultan, respýblıkalyq áıelder qaýymdastyǵy tóraǵasynyń orynbasary Aıdana Toǵyzbaeva jáne partııanyń elordalyq fılıalynyń dırektory Shyńǵys Túsipbaev boldy.
«Bizdiń Májilistegi fraksııa - quramynyń 50 paıyzy áıelderden turatyn jalǵyz fraksııa. Sondyqtan áıelderdi qoldaý biz úshin árdaıym basym baǵyt. Re.Women qozǵalysy birneshe aı buryn ǵana qurylsa da, onyń quramynda 2000-nan astam áıel - kásipkerler, analar, belsendiler bar. Bul - naǵyz qozǵaýshy kúsh. Men senimdimin, áıelder - bul Qazaqstannyń jańa "munaıy”», - dedi Respublica partııasynyń tóraǵasy, Májilis depýtaty Aıdarbek Qojanazarov.
«Biz uly jetistikter men aýyr qylmystar týraly qarama-qaıshy aqparat qatar júretin zamanda ómir súrip jatyrmyz. Munyń bári adamnyń ózinen bastalady. Al adam eń aldymen otbasynan bastaý alady. Sol alǵashqy qundylyqtardy qalyptastyratyn - áıel», - dep atap ótti Májilis depýtaty, Re.Women qozǵalysynyń bastamashysy Oljas Quspekov.
Forýmnyń negizgi bóligi Re.Women qaýymdastyǵyn damytý strategııasyn tanystyrý boldy. Baǵdarlama áıelderdiń kásibı ósýin qoldaýǵa, óńirlik bastamalardy damytýǵa jáne áıelderdi eldiń qoǵamdyq-saıası ómirine belsendi tartýǵa baǵyttalǵan.
«Qazaq áıeliniń kúshi - rýhanı qundylyqtardy damý men órleýge degen umtylyspen ushtastyra bilýinde. Áıel bıznes pen saıasatta tabysty bola otyryp, otbasynyń jylýyn saqtap, dástúrdiń jalǵastyrýshysy bola alady», - dedi forým uıymdastyrýshylarynyń biri Sáýle Saǵadı.
Forým Re.Women Astana qozǵalysynyń áıel kóshbasshylyǵy — qoǵamdyq damýdyń mańyzdy qozǵaýshy kúshi ekenin naqty kórsetti. Is-shara qorytyndysy boıynsha qatysýshylar óńirlerde jańa alańdar men birlesken jobalardy iske qosýǵa, áıelderdiń adamı kapıtalyn, sıfrlyq quzyretterin jáne kásipkerligin damytýǵa kelisti.
