ASTANA. 8 maýsym. AQSh-tyń Nıý-Iork qalasyndaǵy kóshelerdiń birine áıgili boksshy Muhammed Álıdiń esimi ýaqytsha berildi. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Qala meri Bıll De Blazıo 33-Ýest kóshesiniń ataýy ýaqytsha ózgertilgenin málimdedi. Bul kósheniń boıynda boksshynyń kóptegen jekpe-jekteri, onyń ishinde 1971 jyly Djo Freızerge qarsy kezdesýi ótken «Medıson Skver Garden» sport saraıy ornalasqan.
«Búgin biz qalamyzdyń dál ortasyndaǵy kóshelerdiń birine Muhammed Álıdiń esimin berdik. Ol mundaı qurmetke laıyqty jan», – dedi Bıll De Blazıo.
The Telegraph aqpary boıynsha, AQSh-ta kósheniń ataýy turaqty túrde ózgerýi úshin qalalyq keńestiń kelisimi jáne qala meriniń qol qoıýy tıis.
Aıan Ábdýálı.
Derek: RIA «Novostı».
Foto: 24.kz.