Azııa halqy Soltústik Amerıkanyń bar ekendigin áıgili saıahatshy Hrıstofor Kolýmbtan buryn bilgen.
Buǵan dálel retinde AQSh arheologtary Alıaskadan osy halyqtar arasynda saýda-sattyq baılanystary bolǵanyn dáleldeıtin jádigerler tapty.
«Negizi úndister men Azııa halyqtarynyń arasynda baılanystyń bolǵanyna osyǵan deıin de kózimiz jetken edi. Endi jańadan tabylǵan aıǵaqtar osyny dáleldeı tústi. Azııa halqy amerıkalyqtarǵa metall satqan. Biz tapqan metall quımalary Eýrazııada quıylyp, keıinnen Sibir men Berıng buǵazy arqyly Alıaskaǵa jetkizilip otyrǵan», – deıdi Indıana shtatyndaǵy Pardıý ýnıversıtetiniń qyzmetkeri Korm Kýper
Ǵalymdardyń tujyrymdaryn Alıaska halqynyń jerinen tabylǵan jádigerler men eńbek quraldary rastaı tústi. Bul jaqtyń turǵyndary otyryqshy ómir saltyn ustanǵan. Sebebi, metall tapshy bolǵandyqtan atadan balaǵa mura etip qalyp otyrǵan. Muny ábden tozyǵy jetkenshe paıdalanǵanynan bilýge bolady.
Aıan Ábdýálı.
Derek, foto: 24.kz.