Qazaqstanǵa resmı saparmen kelgen Reseıdiń LDPR partııasynyń lıderi Vladımır Jırınovskıı Qazaquni.kz basylymyna bergen suhbatynda Almatydaǵy Masanchı kóshesine óziniń atyn berilýine qarsy emes ekenin bildirdi.
Suhbatta Jırınovskıı Almatynyń týǵan qalasy ekenin, munda 18 jyl turǵanyn aıtqan.
Saıasatker reseılikterdiń Qazaqstandy qatty qurmetteıtinin málimdegen.
«Qazaqstan – meniń kishi otanym. Eger Masanchı kóshesi meniń atymmen atalatyn bolsa, eshqandaı qarsylyq bildirmeımin. Men oqyǵan №25 mektepke atymdy berse, tipti jaqsy bolar edi. Keleshekte men turǵan úı mýzeı etilse. Sol kezde sizderge týrıster kóptep kelip, odan ózderińizge paıda keledi», - dedi Jırınovskıı.
Murat AITQOJA