Fransııada ótken fýtboldan Eýropa chempıotyndaǵy eń úzdik goldy «Ferensvarosh» komandasy men Vengrııa quramasynyń jartylaı qorǵaýshysy Zoltan Gera óz esebine jazdy. «Sputnik Belarýs» agenttiginiń málimetinshe, ol muny Vengrııa – Portýgalııa matchynyń 19-mınýtynda qatty soqqymen qaqpaǵa alystan uryp túsirgen.
Nátıjesinde 3:3 bolyp aıaqtalǵan kezdesýde vengerlerden qalǵan eki goldy Balaj Djýdjak 47 jáne 55-mınýttarda saldy. Al portýgaldardan Krıshtıaný Ronaldý dýbl jasasa (50, 62), taǵy bir goldy Nanı soqty (42).
https://youtu.be/SjWObjk6iUc
Toptan birinshi orynmen 1/8 fınalǵa shyqqan Vengrııa Belgııadan 0:4 esebimen utylyp qaldy. Portýgaldar bolsa, jarys jolyn jalǵastyryp, aqyrynda qurlyq chempıony atandy.
Jankúıerler jartylaı fınaldyń úzdik goly retinde Ronaldýdyń vallılikter qaqpasyna salǵan golyn atady. Match 2:0 esebimen aıaqtaldy. Shırek fınalda Ýels quramasynyń oıynshysy Hel Robson-Kanýdyń Belgııamen oıynda (3:1) soqqan goly úzdik ataldy. Sol sııaqty 1/8 fınalda Djerdan Shakırıdiń goly barynsha kóp daýys jınady.
Damır QOJAMQUL