19 aqpan kúni keshke Astanadaǵy «Haıvıll» turǵyn úı kesheninde órt bolyp, 150 adam, sonyń ishinde 50 bala qaýipsiz jerge shyǵaryldy, dep habarlaıdy QazAqparat.
«Saǵat 21.10-da Almaty aýdany, Qoshqarbaev kóshesi, 2 meken jaıynda ornalasqan «Haıvıll» turǵyn úı kesheniniń «A-1» blogynda tútin shyǵyp jatqandyǵy týraly habar kelip tústi. Anyqtalǵandaı, nasosty bólme-jaıda 60 sharshy metr aýmaqta kabel men qoımaǵa qoıylǵan jıhazdar órtenip jatty. Tilsiz jaý 22.14-te óshirilip, 22.35-te tolyǵymen aýyzdyqtaldy. О́rt saldarynan ıis tıip ýlanǵan 1996 jyly týǵan azamatqa medısınalyq kómek kórsetildi. 150 adam qaýipsiz jerge kóshirildi, onyń 50-i - balalar», - dep habarlady QR IIM Tótenshe jaǵdaılar komıtetiniń resmı ókili Rýslan Imanqulov.
Oqıǵa ornynda astanalyq órtke qarsy qyzmetiniń 8 tehnıkasy men 35 adamy, «102» jáne «103» qyzmetteriniń mamandary jumys istedi.