Búgin Májilistegi Úkimet saǵatynda QR Bilim jáne ǵylym mınıstri Erlan Saǵadıev mektep oqýshylaryna demalys kúnderi úı tapsyrmasy berilmeýi kerektigin málimdedi.
«Bizdiń oqýshylar úı jumysyn oryndaý ýaqyty boıynsha 65 memleket ishinde tórtinshi oryn alyp tur. Halyqaralyq zertteýge sáıkes, birqatar memleketterde, sonyń arasynda Qazaqstan úı tapsyrmalarynyń kólemi men bilim jetistikteri arasyndaǵy týra araqatynas joqtyǵyn kórsetedi. Oqytý úderis durys jolǵa qoıǵan jaǵdaıda úı jumysyn azaıtýǵa bolady jáne azaıtý kerek. Munymen barlyǵy kelisip otyr», - dedi mınıstr.
«Bul jerde eki nusqa usynylady. Úı jumysyn barlyq pánder boıynsha azaıtyp berý nemese tapsyrmalarda tek keıbir pánderdi ǵana qamtý eskerilýde. Eki jaǵdaıda da úı jumysyn oryndaý ýaqyty kúnine orta eseppen bir saǵatqa azaıyp, demalys kúnderi berilmeıdi. Búginde bul másele pedagogtar men ata-analardyń jappaı talqylaýyna usynyldy», – dedi Erlan Saǵadıev.