Qyzylorda oblysynyń Jańaqorǵan aýdanynda jylyna 100 myń tonna keshendi mıneraldyq tyńaıtqyshtar óndiretin zaýyt qurylysyn bastaý josparlanyp otyr, dep habarlaıdy aýdan ákimdigi.
Zaýyt iske qosylǵanda aımaqtyń egin sharýashylyǵynyń odan ári damýyna septigin tıgizetini sózsiz. Sebebi, quramynda ósimdiktiń ósýine qajetti beıorganıkalyq zattary bar mıneraldy tyńaıtqyshtar topyraqtyń qunarlyǵyn arttyryp, aýyl sharýashylyǵy daqyldarynan mol ónim alýǵa jaǵdaı jasaıtyny belgili, dep habarlaıdy aýdandyq ákimdik.
Jańaqorǵan aýdany ákiminiń orynbasary Ǵalymjan Sopbekovtiń aıtýynsha zaýyt «SKZ-U» JShS janynan ashylady. Jobanyń bıznes jospary daıyn. Zaýytty almatylyq kompanııalar júzege asyrady.