2018 jyldan bastap YouTube jelisindegi vıdeolarda shyǵatyn 30 sekýndtyq jarnamalyq rolıkter ýaqyty qysqaratyn boldy, dep habarlaıdy The Verge basylymy Google kompanııasyna silteme jasap.
— Kelesi jyldan bastap biz 30 sekýndtyq jarnama rolıkterin qabyldamaımyz. Endi tek tutynýshylar men jarnama berýshilerge de tıimdi bolatyn joldy qarastyramyz", deıdi kompanııa ókilderi.
Basylym Google kompanııasynyń bul bastamasyn jaqsy jańalyq dep baǵalap otyr. Degenmen, atalǵan jelide uzaq vıdeojarnamalar bolmaıdy degendi bildirmeıdi. Sebebi kompanııa 15-20 sekýndtyq jarnamalardy alyp tastamaıtyn boldy.