Qazaqstan Respýblıkasy Úkimetiniń 2017 jylǵy №78 qaýlysymen Soı Alekseı Vladımırovıch QR Densaýlyq saqtaý vıse-mınıstri bolyp taǵaıyndaldy, dep habarlady búgin mınıstrliktiń baspasóz qyzmeti.
Ol 1996-1997 jyldary SELS college London (Ulybrıtanııa) oqý ornynda oqyp, 2001 jyly Ońtústik Qazaqstan Memlekettik medısınalyq akademııasyn, 2007 jyly - «Dáneker» halyqaralyq quqyq jáne halyqaralyq bıznes ınstıtýtyn, 2015 jyly Reseı Federasııasy Prezıdentiniń janyndaǵy Reseı halyq sharýashylyǵy jáne memlekettik qyzmet akademııasyn támamdady.
2002-2004 jyldary Respýblıkalyq klınıkalyq aýrýhananyń, Astana qalasy Ulttyq ǵylymı medısınalyq ortalyǵynyń (UǴMO) endoskopıst-dárigeri qyzmetin atqardy.
2004-2007 jyldary UǴMO aǵa ǵylymı qyzmetkeri, endoskopıst-dárigeri, doktoranty boldy. 2007-2008 jyldary Astana qalasyndaǵy QR Prezıdentiniń Is basqarmasynyń Medısınalyq ortalyǵy Zamanaýı tehnologııalardy engizý ortalyǵynyń dırektory qyzmetin atqaryp, 2008-2010 jyldary atalǵan ortalyqtyń dırektory boldy.
2010-2011 jyldar aralyǵynda Astana qalasyndaǵy QR Prezıdentiniń Is basqarmasynyń Medısınalyq ortalyǵy basshysy qyzmetin atqardy.
2011 jyly Astana qalasy №1 Qalalyq aýrýhanasynyń bas dárigeri qyzmetine taǵaıyndaldy. Alekseı Soı atalǵan qyzmetti 2014 jylǵa deıin atqardy.
Alekseı Soı medısına ǵylymdarynyń kandıdaty, iskerlik ákimshilik doktory.