Qazaqstan Prezıdenti Nursultan Nazarbaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti, dep habarlady Prezıdenttiń baspasóz qyzmeti.
Əńgime barysynda Nursultan Nazarbaev pen Aleksandr Lýkashenko ekijaqty yntymaqtastyqtyń meılinshe ózekti taqyryptaryn talqylady.
Memleketter basshylary Eýrazııalyq ekonomıkalyq odaqtyń qazirgi qyzmeti men onyń budan əri damýynyń məseleleri jóninde pikir almasty.
Sondaı-aq, eki eldiń kóshbasshylary aldaǵy kezdesýlerdiń kestesin qarastyrdy. Atap aıtqanda, Qazaqstan Prezıdenti Belarýs Prezıdentin Shanhaı yntymaqtastyq uıymynyń sammıtine jəne Astanadaǵy EKSPO-2017 halyqaralyq kórmesiniń ashylý saltanatyna shaqyrdy.