Irgeli izdenisterge jeteleıdi

M.Qozybaev atyndaǵy Soltústik Qazaqstan memlekettik ýnıversıtetinde professor-oqytýshylar men stýdentterdiń qatysýymen «Qazaqstannyń Úshinshi jańǵyrýy: jahandyq básekege qabilettilik» taqyryby boıynsha ǵylymı-teorııalyq konferensııa ótti. Alqaly jıyndy eńseli oqý ordasynyń rektory Serik О́mirbaev kirispe sózben ashyp, aldymen Prezıdent­tiń bılik tarmaqtary arasyn­da ókilettikterdi qaıta bólý máseleleri jónindegi Úndeýge baılanysty jalpyhalyq­tyq talqylaýdyń keń qanat jaıǵanyn, osylaısha áleýmet­tik-ekonomıkalyq sıpattaǵy mańyzdy sheshimder qabyldaý arqyly demokratııalyq úr­dis­terge keń jol ashylatynyn atap kórsetti. Reformalar men mem­lekettik baǵdarlamalardyń tıimdi túrde júzege asyrylýyna Úkimet te, Parlament te múddeli bolýǵa tıis. Jaýapkershi­lik nyǵaıǵan jerde tártip te, talap ta bolady. Eń bastysy, árkim­niń óz jumys ýchaskesi­ne degen tegeýrindi kózqara­sy, berik baı­lamy qalyptasa­dy. Elbasy usynǵan keń aýqym­­dy usynys­tar memlekettik bas­qarý júıe­sin jetildirýmen qatar, jergi­lik­ti atqarýshy organdardyń da derbestigin nyǵaıtady. Konferensııada sóz al­ǵan «Qazaq fılologııasy» kafe­d­rasynyń meńgerýshisi, fılo­logııa ǵylymdarynyń kandı­da­ty Janbaı Qadyrov, «Aq­parattyq júıe» kafedrasynyń aǵa oqytýshysy, pedagogıka ǵylymdarynyń kandıdaty Natalıa Kopeva, «Energetıka jáne radıotehnıka» kafed­rasynyń dosenti Iýlııa Gera­sımova, «Geografııa jáne ekologııa» kafedrasynyń meń­gerýshisi Pavel Dmıtrıev bıyl halyqqa jarııa etil­gen «Qazaqstannyń Úshinshi jań­ǵyrýy: jahandyq báse­kege qabilettilik» Jol­daýy­nan týyndaıtyn min­det­ter­di saralap, negizgi basym­dyq­tar aıasynda atqarylatyn shara­lardy sóz etti. Búginde oqý ornynyń ǵa­lym­­dary 14 ǵylymı joba aıa­syn­da izdenisterin jal­ǵas­­tyra túsken. Olar aýyl sharýa­shylyǵy, aqparattyq jáne telekommýnıkasııa­lyq teh­nolo­gııalar, ekologııalyq taza azyq-túlikter shyǵarý, ener­­getıka jáne mashına jasaý, taǵy basqa salalardy qamtı­dy. Ýnı­versıtet basshylyǵy ózin ózi jumyspen qamtý jónin­degi stýdentter bastamalary­na úlken qoldaý kórsetip keledi. Jańa oqý jylynan bastap barlyq mamandyqtar boıynsha «Kásipkerlik negizderi» at­ty pán engizilgen. Kásipkerler palatasy men «Damý» kásip­kerlikti qoldaý qory osy ta­qyryp sheńberinde birneshe oqý semınaryn uıymdastyrǵan. Alda birqatar sharalardy júzege asyrý belgilengen. Olardyń biri – bilim baǵdarlamalaryn mamandandyrylǵan akkre­dıt­teýden ótkizý, Wi-Fi-ǵa sym­syz qosylý júıesin keńeıtý, elek­t­ron­dy oqý zaldaryndaǵy kompıý­terlerdi jańartý, ǵyly­mı-tehnıkalyq qyzmet nátı­je­lerin kommersııalan­dyrý joba­laryna qarjygerler izdestirý. Jıynǵa qatysýshylar Ún­deý men Joldaý talaptaryn bas­shylyqqa ala otyryp, óz jumystaryn odan ári shırata túsýge ýaǵdalasty. О́mir ESQALI, «Egemen Qazaqstan» Soltústik Qazaqstan oblysy