Elbasy usynǵan konstıtýsııalyq reforma memleteketimizdiń damýyn jáne búkil Qazaqstan halqynyń múddelerin tolyqtaı qamtamasyz etedi dep senemin. Sonymen qatar, memleketimizdiń saıası júıesindegi bıliktiń úsh tarmaǵy, ıaǵnı sot, zań shyǵarýshy jáne atqarýshy bılikter arasyndaǵy tepe-teńdik qalyptasady dep oılaımyn. Iаǵnı bir-birin tejeý jáne teńeý mehanızmi kúsheıtiledi. Úkimet pen Parlamentke ókilettikter berilip otyr, ıaǵnı Úkimettiń Parlament aldyndaǵy jaýapkershiligi, sondaı-aq, Parlamenttiń halyqtyń aldyndaǵy jaýapkershiligi de joǵarylaı túsedi. Basqasha aıtqanda, Úkimet halyqqa jaqynyryq bolady.
Taǵy bir aıta ketetin másele, Qazaqstan Respýblıkasy Prezıdentiniń bıylǵy Joldaýynda basty másele retinde adamı resýrstar atalyp ótken bolatyn. Adamı resýrstar elimizdiń damýyna tikeleı septigin tıgizedi dep aıtsaq bolady. Men úshtildilik saıasatyn qoldaımyn. Qazaqstanda aǵylshyn tilin oqytý isi qolǵa alynyp jatyr. Árbir Qazaqstan azamaty aǵylshyn tilin tolyq meńgergen bolsa, onyń halyqaralyq arenadaǵy básekelestikke degen qabilettiligi de artady. Mysaly, men «Bolashaq» baǵdarlamasy boıynsha Vashıngton qalasyndaǵy Djordj Vashıngton ýnıversıtetinde magıstratýrada oqımyn. Mamandyǵym – Project Management. Bul sala elimizde aıtarlyqtaı myqty damymaǵan. Sol sebepti, osy jaqta alǵan bilimim men tájirıbemdi elimizdiń ınnovasııalyq-ındýstrııalyq jobalardy júzege asyrýǵa jumsasam dep oılaımyn.
Baqdáýlet TURǴARAEV, «Bolashaq» baǵdarlamasynyń stıpendıaty