Elbasy Nursultan Nazarbaevtyń bılik tarmaqtary arasynda ókilettikterdi qaıta bólý máseleleri jónindegi Úndeýi Táýelsiz memleketimizdiń demokratııalyq baǵytta ósip-órkendep kele jatqandyǵyn kezekti ret aıqyndap berdi.
Úndeýde aıtylǵandaı, kúshti prezıdenttik vertıkal bizge memleketti qalyptastyrýdaǵy alǵashqy qıyndyqtardy eńserý kezeńinde qajet boldy. Osy kezeńde ózimiz búginde maqtanyshpen aıtyp júretin qanshama jetistikterge qol jetkizildi deseńizshi! Memleket basshysy, mine, saıası júıeni odan ári demokratııalandyrý qadamyn jasap otyr. Munyń ózi memleketti basqarý júıesiniń tıimdiligin barynsha arttyryp, elimizdiń álem aldyndaǵy bedelin burynǵydan da joǵarylata túsetindigi sózsiz.
Nursultan Nazarbaevtyń: «Men Prezıdent ıe ókilettikterdiń aıtarlyqtaı bóligin berýge sanaly túrde baryp otyrmyn. Men muny jalǵyz ǵana maqsatpen – eldi basqarýdyń neǵurlym tıimdi, ornyqty, zamanaýı júıesin qurý úshin jasap otyrmyn», degen sózderi demokratııalyq damý jolyn tańdaǵanymyzdy odan ári aıqyndaı túsedi.
Búkil qazaqstandyqtardyń qatysýymen júzege asatyn jańa reformany jarqyn bolashaqqa jasalyp otyrǵan baıandy qadam retinde baǵalaımyn. Osyndaı túbegeıli ózgeristerdi júzege asyrý arqyly memlekettik qurylystyń bógde eshbir modelderine uqsamaıtyn óz memleketimizdi, jaýapkershilik pen biliktilikti basty orynǵa qoıatyn Úkimet pen Parlamentti qalyptastyratynymyz sózsiz.
Meıram JANÁDILOV,
«О́lke tynysy» JShS dırektory
Almaty oblysy