«Aq jol» partııasy konstıtýsııalyq reformaǵa baılanysty óz usynystaryn Prezıdent Ákimshiligi janyndaǵy komıssııaǵa joldady. Bul týraly partııanyń baspasóz qyzmeti habarlady.
Joldanǵan usynystar partııa tóralqasy músheleriniń, onyń parlamenttik fraksııasy men oblystyq fılıaldary otyrysynyń barysynda talqylandy.
Partııa tóraǵasy Azat Perýashev jobany tanystyra otyryp, Memleket basshysynyń Konstıtýsııany jetildirý men bılik tarmaqtary arasynda ókilettikti qaıta bólý boıynsha bastamasyn demokratııalyq partııanyń qoldaıtyndyǵyn atap ótti. Onyń sózine qaraǵanda, bul qadam memlekettik organdardyń qoǵam aldyndaǵy ashyqtyǵy men esep berýine qatysty saıası júıeniń ári qaraıǵy jańǵyrtylýyn bildiredi.
Qoryta aıtqanda, «Aq jol» demokratııalyq partııasy Elbasy Nursultan Nazarbaevtyń konstıtýsııalyq reformalardy búkilhalyqtyq talqylaý úshin usynǵan ýaqytyn paıdalana otyryp, aımaqtar men ortalyq organdardaǵy partııa aktıvterimen kezdesýinde óziniń bastamalar paketin jasap shyǵardy. Konstıtýsııaǵa ózgerister engizý boıynsha komıssııa talqylaýyna jiberiletin qorytyndy pakette «Aq jol» partııasy 18 naqty usynysty atap kórsetken.