Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty Joldaýyndaǵy birinshi basymdyq – tehnologııalyq jańǵyrýǵa baılanysty Oral qalasynda «Smart City – Aqyldy qala» jobasy qolǵa alyndy.
"Batys Qazaqstan oblysy turǵyndarynyń teń jarymy qonys tepken Oral qalasyn adamdarǵa qolaıly, qaýipsiz etýimiz kerek", dep málimdedi óńir basshysy Altaı Kólginov.
Ákimniń aıtýynsha, jobanyń «Qaýipsiz qala» baǵyty boıynsha qala kósheleri men aýlalarǵa 300 kamera ornatylmaq. Memleket-jeke menshik áriptestigi negizinde jol boıyn jaryqtandyrý júıesin jańartý jobasy daıyndalǵan. Jolaýshylar tasymaldaıtyn qoǵamdyq kólikterdi smartfonnan onlaın baqylaýǵa múmkindik beretin «2 GIS» jobasy jasalýda. Sondaı-aq, bos jumys oryndary týraly búkil aqparat jınalǵan onlaın platforma da kópshilikke qoljetimdi bolady.
Qazbek QUTTYMURATULY,
«Egemen Qazaqstan»
ORAL