Japonııanyń Sapporo qalasynda ótip jatqan VIII qysqy Azııa oıyndarynda Qazaqstan quramasynyń qorjynyna alǵashqy altyn tústi.
Shańǵyshy Rınat Mýhın 15 shaqyrymdyq jarysty 41 mınýt 25,3 sekýnd nátıjesimen birinshi bolyp aıaqtady. Al kúmis pen qola júldeler japon sportshylaryna buıyrdy. Sonymen qatar, elimizdiń atynan synǵa túsken Sergeı Cherepanov tórtinshi, Nıkolaı Chebotko besinshe jáne Erdos Ahmadıev altynshy bolyp máre syzyǵyn kesti.
Aıta keteıik, keshe Elena Kolomına kúmis júldeni jeńip alsa, búgin ol taǵy bir qolany el qorjynyna salǵan bolatyn.