Jeńildikti avtonesıe berý baǵdarlamasynyń sheńberinde jeke tulǵalardan nesıe alýǵa túsken 8 myńnan astam suranymdy shamasymen 31 mln teńgege maquldady, dep jazady strategy2050.kz.
QDB ótken jyldyń 20 sáýiri kúni iske qosylǵan Jeńildikti avtonesıe berý baǵdarlamasynyń operatory bolyp tabylady.
«Damý Banki agent banktermen Ulttyq qordan bólingen nesıe qarajatyn ıgerýdiń baqylaýyn únemi júrgizýde. Baǵdarlama sheńberinde Ulttyq qordan jeke tulǵalarǵa Qazaqstanda jınalatyn avtokólikterdi satyp alýǵa nesıe berý úshin barlyǵy 26 mlrd teńge bólindi», - dep habarlady QDB.
Jeke tulǵalarǵa jergilikti óndirilgen jeńil avtokólik satyp alýǵa QR Úkimetimen bekitilgen nesıe berý sharttary: ataýly syıaqy mólsherlemesi – eń kóbi jyldyq 4%, alaıda jyldyq tıimdi mólsherleme (onyń ishine saqtandyrý jáne avtokólikti kepilge salý shyǵyndary kiredi) jyldyq 7,5%-dan aspaý kerek.
Banktiń baspasóz qyzmeti habarlaǵandaı, nesıe merzimi – eń kóbi 5 jyl, qaryz valıýtasy – teńge, jeńil kóliktiń bir birliginiń baǵasy – eń kóbi 9 000 000 teńge, bastapqy jarna (bar bolsa) – satyp alynatyn kóliktiń baǵasynan eń kóbi 20%. Jeńildikti avtonesıe berý baǵdarlamasy boıynsha qarjylandyrýdyń jańartpaly sıpaty bar. Iаǵnı, aǵymdaǵy nesıelerdi óteýden túsken tólemder qaıtadan atonesıe berýge jumsalady.
Aqyrǵy qaryzgerler – jeke tulǵalarǵa «SaryarqaAvtoProm» JShS, «AgromashHoldıng» AQ jáne «AZIIа AVTO» AQ kásiporyndarynda jınalatyn «Kia», «Chevrolet», «Skoda», «Hyundai», «SsangYong», «Peugeot», «Toyota» jáne t. b. sııaqty brendterdiń 62 kólik modeli usynylady.