Aqmola oblysynyń Selınograd aýdanyndaǵy asyltuqymdy eshki sharýashylyǵy osy kóktemde eshki sútin óndire bastaıdy, dep jazady Habar24.
Atalǵan sharýashylyq budan 3 aı buryn Qajymuqan aýylynyń irgesinen ashylǵan. Qazir munda 72 eshkige arnalǵan saýyn alańy men jylyna 4 myń tonna sút óńdeı alatyn zaýyt daıyn tur. Iаǵnı jazǵa qaraı sharýashylyqtyń emdik qasıeti bar eshki sútinen bólek irimshik, tátti súzbe sekildi 10-nan astam ónim túri naryqqa shyǵarylady.
Is ilgerilep jatsa, seriktestik eksportty da qolǵa almaq. Qazirdiń ózinde eshki sútine kórshi Qytaı eli qyzyǵýshylyq tanytyp otyr. Aımaqtaǵy aıryqsha jobany ázirge seriktestik óz qarjysymen damytyp keledi. Sondyqtan kásipkerler ónimniń osy túrine sýbsıdııa bólinip, ony satýǵa memlekettik deńgeıde qoldaý bolsa deıdi.
"Osy mart aıynan bastap eshki laqtaıdy. Eshki laqtaǵan soń biz ony saýamyz. Bir eshkiden 3-5 lıtr sút alýdy josparlap otyrmyz. Úkimetten suraıtynymyz – tek bizdi qoldaý. Qazir 337 bas aldyq. Biraq bir-eki jyldan keıin 5 myń basqa deıin jetkizemiz degen josparym bar", - deıdi sharýashylyq dırektory Ermek Luqpanov.