2017 jyly Birińǵaı zeınetaqy qorynan temirjol mashına jasaý salasyna 50 mıllıard teńge aqsha bólinedi. Bul týraly QR Investısııalar jáne damý mınıstrliginiń alqa otyrysynda vıse-mınıstr Albert Raý málimdedi, dep jazady abctv.kz.
Sol arqyly sý jańa úsh myń vagon shyǵaralyp, tasymal salasynda týyndaǵan suraqtardy sheshý kózdelip otyr. Sondaı-aq vıse-mınıstr qurylys salasynda kompanııalardyń otandyq ónimge kóńil bólip, qazaqstandyq kompanııalarǵa qoldaý kórsetý jaǵyn eskertti.
«О́tken jyly biz qurylys úshin syrttan 600 tonna sement satyp aldyq. Mańǵystaý oblysyndaǵy zaýyt batysty tutastaı sementpen qamtýǵa qaýqarly. Bolashaqta ishki naryqty otandyq ónimmen qamtý kerek. Alqaly jıynda sondaı-aq «Báıterek» ulttyq holdınginiń basqarma tóraǵasy Erbolat Dosaev kompanııanyń júıesinde qaıta qurý bolatynyn jetkizdi. Endi holdıng Elbasynyń tapsyrmasy boıynsha ınvestısııa tartýǵa basymdyq berip, qarjylyq qyzmettiń bir tereze qaǵıdaty boıynsha jumys istemek. Bul qadam sondaı-aq holdıngke enshiles kompanııalardyń jaýapkershiligin arttyrýǵa baǵyttalǵan. Jańa qujat ekinshi naýryzǵa deıin daıyn bolady», – dedi QR ınvestısııalar jáne damý mınıstriniń orynbasary Albert Raý.
«Bıznestiń jol kartasy 2020 kásipkerlikti qoldaý jobasy óz isin jalǵastyrady. 2016-shy jyly memlekettik damý baǵdarlamasy sheńberinde iri jobalarǵa qarjy bólý úshin holdıng Qazaqstannyń damý banki arqyly Ulttyq qordan, rýspýblıkalyq bıýdjetten jáne birińǵaı ulttyq zeınetaqy qorynan 295 mıllıard teńge qarajat alǵan», – dep atap ótti «Báıterek» UBH basqarma tóraǵasy Erbolat Dosaev.