Argentınanyń Pýnta-Tombo túbegin pıngvınder qalasy dep esepteıdi. Qyrkúıek pen naýryz aralyǵynda bul jerde olar buryn-sońdy bolmaǵan mólsherde jınalady. Al bıyl atalǵan túbekke jınalǵan qustardyń sany rekordty deńgeıge jetipti. Bul týraly nat-geo.ru habarlady.
Magellan pıngvıny – boıy 50-80 sm. О́zgeleri sııaqty bulardyń da otbasy erkek jáne urǵashydan turady. Bir qyzyǵy, jyl saıyn tek bir uıaǵa ǵana jumyrtqalaýdy jón kóredi. Osy úshin olar myńdaǵan shaqyrymdy artqa qaldyryp, Pýnta-Tombo qoryǵyna júzip keledi. Jumyrtqasyn 40 kúnde basyp shyǵarady. Jer betinde shamamen olardyń 1,8 mln juby bar.
Málimetterge sáıkes, bul meken pıngvınderdiń jumyrtqalaýy úshin óte yńǵaıly oryndardyń biri bolyp esepteledi. Sebebi, sýy balyqqa toly ári qaýip keltirerlik jyrtqyshtary da óte az.
Bıyl Pýnta-Tomboǵa shamamen 1 mıllıon magellan pıngvıni keldi. Buǵan deıin dál osyndaı kólemde eshqashan kelmegen. Sebebi, ótken ǵasyrdyń basynda olar joıylyp ketýdiń aldynda bolǵan. Ǵalymdardyń aıtýynsha, olar klımattyń ózgerýinen sondaı-aq, balyqtyń kóptiginen osynda tartylǵan.