"Aq jol" partııasynyń Parlamenttegi fraksııa basshysy Azat Perýashev óz usynysyn aıtty.
«Aq jol» partııasy basshysy Azat Perýashev zańsyz tekseris júrgizgen sheneýnikterdi tekseristiń shyǵynyn óteýge májbúrleý kerektigin aıtty. Bul usynys Úkimetke baǵyttalǵan depýtattyq saýalda aıtyldy.
Azat Perýashev Bas Prokýratýranyń Qaraǵandydaǵy kóshpeli alqa otyrysynan mysal keltirdi. 2015 jyly óńirde jalǵan kásipkerlik boıynsha 437 is qozǵalǵan. Sonyń ishinde sotqa jetkeni tek 7-eýi ǵana, ıaǵnı 1,5 paıyz. 2016 jyly qozǵalǵan ister 948-ge ósken. Al sonyń ishinde sotqa jetkeni tek 6 paıyzy ǵana.
«Demek, 94-98 paıyz is negizsiz qozǵalady. Nemese kádimgi para berý arqyly sheshiledi. Al eldegi 70 myń QQS tóleýshileriniń 35 myńy bir ǵana bap boıynsha sanksııaǵa ilikti. Osyny kóre otyryp memleket kóleńkeli bıznestiń qaıdan shyǵatynyna bas qatyrady", - dedi depýtat.
Onyń aıtýynsha, tekseris kezinde qujattar, mórler, banktik jáne býhgelterlik esepshottar tárkilenip, qarjy operasııalary toqtatylady. Iаǵnı, bıznes toqtap qalady. Bıznes, bir sózben aıtqanda, taqyrǵa otyrady.
Azat Perýashev negizinen kináliler kásipkerler emes, jemqor sheneýnikter ekenin aıtty. 2014 jyldyń ózinde ǵana jalǵan kásipkerlikke aralasqany úshin OQO, Aqmola, Jambyl, Qostanaı oblystarynyń salyq organdarynyń 16 jetekshisi jaýapqa tartyldy.
«Degenmen, olardy jaýapqa tartyp qana otyrý bızneske kelgen shyǵyndy qaıtarmaıdy", - dedi depýtat.
"Ákimshilik quqyq buzýshylyq kodeksi men Qylmystyq kodeks laýazymdy tulǵalardyń kásipkerlerge keltirgen zııanyn óteýdi qarastyrmaǵan. Kásipker shyǵyndy ótep alǵannyń ózinde sheneýniktiń jeke basynan emes, memlekettik organnan, ıaǵnı bıýdjetten alady. Al ol bıýdjetti toltyratyn sol kásipkerlerdiń ózderi. О́zine kelgen shyǵyndy qaıtarý úshin kásipker ózi tólegen salyqty alýy kerek pe? Onda qylmysqa jeke basynyń jaýap berýi degen qaıda qaldy?" - dedi Perýashev.
Sóz sońynda depýtat negizsiz tekseris júrgizip kásipkerlerge zııan ketlirgen sheneýnikterdiń jeke basyn jazalaý kerektigin usyndy.