Bolashaqta halqynyń sany úsh mıllıonǵa jetetin elordaǵa monýment kóptik etpeıdi. Bul týraly búgin Astanada «Uly Dala eli» monýmentin saltanatty túrde ashqan Memleket basshysy Nursultan Nazarbaev aıtty.
Monýment 2017 jyly bastalatyn Ekspo-2017 kórmesiniń aýmaǵynda ornalasqan. Iаǵnı, mıllıondaǵan týrıster Qazaqstan Táýelsizdigi týraly biletin boldy.
«Qudaı buıyrtsa, EKSPO kórmesin ashqan kezde, dúnıejúzinen mıllıondaǵan týrıster kelip, osy jerde júredi. Sonda, myna monýmentke qarap, Qazaqstannyń táýelsizdigine 25 jyl ekenin esterine túsirer dep oılaımyn. EKSPO kórmesi qalanyń bir aýdanyn alyp jatyr. Qalanyń kórkin ózgerteıin dep tur. Bolashaqta halqynyń sany 3 mıllıon adamǵa jetken kezde, halyq kóp baryp, demalatyn oryndar kerek. Dúnıejúzindegi astanalardyń eshqaısysyna mundaı monýment kóptik etpeıdi», - dedi Prezıdent.
Monýmentti salǵan qurylys kompanııasynyń málimetine súıensek, monýment 3 jarym aı ýaqytta salynǵan. Antıka mramorynan salynǵan monýmenttiń 25 qyry Táýelsizdiktiń 25 jyly týraly syr shertedi.