Eýropalyq odaqtyń baspasóz qyzmeti Eýroodaq resmı ókiliniń Qazaqstan Respýblıkasy Táýelsizdiginiń 25 jyldyǵymen quttyqtaýyn jarııa etti, dep habarlaıdy QazAqparat.
«Eýropalyq odaq Qazaqstannyń Táýelsizdigin jarııa etkenine 25 jyl tolýymen quttyqtaıdy. EO Qazaqstandaǵy ózgeristerdi qoldaıdy jáne Qazaqstan halqy úshin osy ustanymdy jalǵastyra bermek. Biz Ortalyq Azııa boıynsha EO strategııasy jáne seriktestik pen yntymaqtastyqty keńeıtý týraly kelisim negizinde eldiń damýy, turaqtylyǵy men qaýipsizdik múddelerindegi uzaq merzimdi qarym-qatynasty saqtap qalǵymyz keledi. Biz kelesi jyly Qazaqstanda ótetin EXPO-2017 kórmesine sáttilik tileımiz», – delinedi habarlamada.
Atap ótilgendeı, 4 qazanda Brıýsselde EO-Qazaqstan seriktestik keńesi jańa kelisimge qol qoıǵannan keıin alǵash ret ótkizilgen. Bul keńes ýaqytsha kelisimderdi qabyldaýǵa, sondaı-aq, barlyq salalardaǵy ekijaqty qarym-qatynasty nyǵaıtýǵa jol ashty. «Qazaqstannyń BUU Qaýipsizdik keńesine múshelikke kirýi ártúrli forýmdar aıasynda ortaq jumystar atqarýymyzǵa, sondaı-aq óńirlik jáne jahandyq qaýipsizdik máseleleri tóńireginde dıalog qurýymyzǵa múmkindik beredi», – dep habarlady EO.