Qazaqstandyq jekpe-jek sheberi, «Naıman» degen laqap atpen belgili Qýat Hamıtov kezekti jeńisin Táýelsizdiktiń 25 jyldyq merekesine arnady. Ol jeńisten soń boz kilemde turyp án saldy. Jekpe-jek sheberiniń án salyp turǵan sátin ınstagram jelisinde v_astane ataýymen tirkelgen azamat ta jarııalady.
Ol Qýat Hamıtovtyń reseılik sportshyǵa qarsy ótkizgen jekpe-jeginen soń qol jetkizgen jeńisin Qazaqstan Táýelsizdiginiń 25 jyldyǵyna arnaıtynyn jazypty. Beınematerıalda sportshynyń sóılegen sózderi anyq estiledi.
«Búgin meniń elimde qasıetti mereke. Búgin Qazaqstannyń óz Táýelsizdigine qol jetkizgenine 25 jyl tolyp otyr. Sonymen qatar, men de búgin ózimniń 25-shi jekpe-jegimdi ótkizdim. Men osy jeńisimdi elime, Qazaqstan Táýelsizdiginiń 25 jyldyǵyna arnaımyn», – dedi Q.Hamıtov.
Osy sózderden soń ol boz kilemde turyp mıkrofonǵa «Elim meniń» ánin shyrqata jóneldi. Ándi oryndap bolǵan soń, Hamıt boz kilemge alyp shyqqan Qazaqstannyń týyn súıdi. Aıta keteıik, qazaqstandyq tanymal jekpe-jek sheberi Qýat Hamıtov Máskeýde ótken Fight Nights Global 57 týrnıriniń aıasyndaǵy jekpe-jegin reseılik Gadjı Rabadanovqa qarsy ótkizgen bolatyn. Qýat qarsylasyn úshinshi raýndta býyndyrý ádisimen jeńdi.