Túrkııanyń Kaıserı qalasynda bolǵan terakt kezinde zardap shekken qazaqstandyqtar joq, dep habarlaıdy Qazaqstannyń Syrtqy ister mınıstrliginiń baspasóz hatshysy Ánýar Jaınaqov.
«Aldyn ala aqparatqa súıensek, Túrkııanyń Kaıserı qalasynda bolǵan terakt kezinde zardap shekken jáne qaza tapqan qazaqstandyqtar joq», – dedi Á.Jaınaqov.
Aıta keteıik, Kaıserı qalasyndaǵy ýnıversıtetterdiń biriniń janyndaǵy aıaldamada jarylys bolǵan. Túrkııa bıliginiń aıtýynsha, jarylǵan avtobýsta áskerıler otyrǵan edi. Aldyn ala málimetke súıensek, on úsh áskerı qaza taýyp, 48 adam jaraqat alǵan.