Elimizdiń Astana qalasy, Qostanaı jáne Ońtústik Qazaqstan oblystarynda Ádep jónindegi keńes músheleriniń jumys belsendiligin arttyrý maqsatynda pılottyq joba júzege asyrylýda.
Pılottyq joba aıasynda Ádep jónindegi keńes músheleriniń azamattardy qabyldaý, kóshpeli kezdesýler ótkizý kesteleri bekitilgen. Sondaı-aq, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Ońtústik Qazaqstan oblysy boıynsha departamentiniń memkyzmet.kz saıtynda ornalastyryldy. Nátıjesinde azamattardyń óz quqyqtaryn qorǵaý úshin departamentke emes, Ádep jónindegi keńes múshelerine tikeleı shaǵymdanýǵa barlyq jaǵdaılar jasalyp otyr.
Taıaýda pılottyq jobany halyqqa tanystyrý úshin oblysymyzdaǵy ádep jónindegi keńes músheleri Saryaǵash, Sozaq aýdandaryna arnaıy baryp, jergilikti halyqpen kezdesý ótkizdi. Keńes músheleri Á. Dosbolov pen «Azamattyq Alıans» assosıasııasynyń múshesi A.Ahmetov jeke qabyldaý ótkizip, birqatar issaparǵa barǵan memlekettik qyzmetshilerge issapar shyǵyndary tólenbegenin anyqtaǵan.
Osy kemshiliktiń negizinde oblystyń barlyq aýdan, qala ákimi apparattaryna zerdeleý jumystary júrgizilip, jyl basynan 1824 qyzmetshiniń issapar shyǵyndary óz ýaqytynda tólenbegeni anyqtalyp otyr. Osyǵan baılanysty memlekettik qyzmetshilerdiń quqyqtaryn qorǵaý maqsatynda A.Ahmetovtyń usynysymen atalǵan másele ádep jónindegi keńestiń otyrysynda talqylanyp, turaqty túrde monıtorıng júrgizetindigi jóninde tıisti hat joldandy.