Memlekettik kolledjder júıesi saqtalýy tıis

Búgingi tańda elimizdegi 817 kolledjdiń 473-i memlekettik bolyp sanalady, onda barlyq 489 myń oqýshynyń 283 myńy bilim alýda. Baǵdarlama eseptelgen 2021 jylǵa deıin taǵy da 106 myń adam osy oqýǵa tartylatyn bolady, bul – jyl sa­ıyn 21 myń oqýshy qa­byldanady degen sóz. Bul – kolledjderde oqıtyn barlyq oqýshynyń 75 paıyzy.

Memleket basshysynyń tapsyrmalaryn múltiksiz oryn­dap, naryqqa joǵary bilikti mamandar daıyndaý úshin bul oqý oryndarynyń óndi­ristik-tehnıkalyq jáne oqý bazasy zaman talabyna saı bolýy kerek. Dál osy se­bep­pen joǵary bilikti ju­mys­­­shy kadrlaryn daıyndaı­tyn memlekettik kol­ledjder júıesi qajet. О́ıt­keni je­ke­menshik kolledj­der­de bul ta­lap oryndalmaı jata­dy. Aıtalyq qazir jeke­men­­­shik kolledjderdiń árbir be­sinshisinde ǵana sheberha­nalar, árbir úshinshisinde ǵa­na zerthanalar bar. Bul – je­ke­menshik kolledj bitirgen ma­mandardyń memlekettik kol­ledjderdi bitirgen ózde­ri­niń qur­dastarynan ana­ǵur­lym biliksiz bolatynyn kórsetedi.

Soǵan qaramastan, kóptegen aımaq­tardyń ákimdikteri osyn­­daı memlekettik oqý oryn­­daryn básekelestik or­ta­ǵa shyǵarýdy qolǵa alyp otyr. Oqý oryndarynyń re­sý­rs­taryn keshendi túrde ba­ǵa­­­la­maı, memlekettik jáne je­ke­menshik kolledjderdiń múmkinshilikterin saralamaı je­kemenshikke satýdyń ózi – teh­nıkalyq, tehnologııalyq jáne qyzmet kórsetý sala­la­rynyń mamandaryn emes, shy­ǵyndy az talap etetin gý­manıtarlyq salanyń ma­man­da­ryn ǵana daıyndaýǵa soq­­tyratyn túri bar. Sondaı-aq kolledjder jekemenshikke satylǵannan keıin onda sabaq beretin mamandar azamattyq qyzmetker retinde alatyn qosymsha aqysynan aıyrylady jáne memlekettik baǵdarlama boıynsha turǵyn úı alý múm­kindiginen qaǵylady. Árı­ne munyń bári bilikti maman­dar­dyń basqa jaqqa ketýine soq­tyrady.

Osy máselelerdi biz Úkimet bas­shysy B.Saǵyntaevqa depý­tattyq saýal arqyly jetkizip, my­na máselelerdi eskerýin ótin­dik:

– «Barshaǵa arnalǵan tegin kásiptik-tehnıkalyq bilim be­rý» jobasyn iske asyrý úshin memlekettik kolledj­der jú­ıe­siniń saqtalýyn qaras­ty­rý;

– jergilikti atqarýshy or­gan­dardyń memlekettik kol­ledjderdi básekelestik ortaǵa shy­ǵarý týraly usynys­ta­ry­nyń maqsatqa sáıkestigi men negizdiligin qarastyrý;

– áleýmettik sala nysandaryn jekeshege berý barysynda osy uıym qyzmetkerleriniń materıaldyq qamsyzdan­dy­ry­lýynda áleýmettik táý­e- kel­der faktorlarynyń týyn­damaý­yn eskerý.

Aıgúl NURKINA,

Májilis depýtaty