Táýelsiz Qazaq eli – Abaı eli,
Taýqymet tartqan azap talaı eli.
О́lmeıtin poezııa, óleńderi,
Jaratqan aqyn júrek saraıy edi.
Táńirdiń ózi bergen darynymen,
Júrektiń ottaı janǵan jalynymen.
Ultyna qaıtalanbas aqyn boldy,
Qazaqqa Abaı boldy bar únimen.
О́mirdiń ózen-darııa arnasymen,
Ulaǵatty urpaqtyń jalǵasymen,
Táýelsiz Abaı eli al búginde,
О́ziniń Prezıdenti, Elbasymen.
Bas aqyn, ǵulamasy, bas danasy,
Elimniń eńse bergen bas qalasy.
Qazaǵym dep tolǵaǵan uly Abaıdyń,
Arqadan boı kótergen Astanasy.
Anyq basqan qadamdy sanap basyp,
Tarıhymyz jańa bir paraqty ashyp.
Úshinshi mıllıon qalam eńse berdi,
Astanam, Almatymmen qanattasyp.
Kýási bop ǵasyrlyq bir deminiń,
Armanyndaı sonaý bir Kúlteginniń.
Túrkistanym aınaldy ortalyqqa,
Astanasy sekildi túrki eliniń.
Bar álem qazaq únin tyńdaı qaldy,
Taýly shyńda barysym kúnde aıbarly.
Uly Abaı dombyrasy al búginde,
Jyl saıyn tolǵanatyn kúnge aınaldy.
Qazaq bolyp uly Abaı sóz aldyń da,
Qarapaıym jyryńmen oza aldyń da.
Qazaqtyń memleketi jer jahannyń,
Aqyl-oı, júregi men kóz aldynda.
Qazaq bastan janymen araıly edi,
Kýá bolyp tańyrqar talaı eli.
Táýelsiz Týy astynda Aqordaly,
Jasaı ber Qazaq eli – Abaı eli!
Shómishbaı Sarıev,
aqyn, Qazaqstanǵa eńbegi sińgen qaıratker