Sharttardyń barlyq túrleri boıynsha jeke zeınetaqy shottarynyń jalpy sany 10,4 mln birlikten asqan.
Jyl basynan beri Qor salymshylarynyń shottaryna eseptelgen taza ınvestısııalyq tabys somasy 12,1 mlrd teńgege jetti. Zeınetaqy jınaqtarynyń tabystylyǵy sońǵy 12 aı ishinde (2018 jyldyń aqpany men 2019 jyldyń aqpany) 11 paıyzdy qurady. Bul kezeńde ınflıasııa deńgeıi 4,8 paıyzdy kórsetti. Osylaısha zeınetaqy aktıvteriniń tabystylyǵy ınflıasııadan joǵary bolyp otyr.
2019 jyldyń eki aıy ishinde zeınetaqy tólemderi 43,0 mlrd teńgeni qurady. Onyń ishinde jasyna baılanysty tólemder 28,3 mlrd teńgeni, al saqtandyrý uıymdaryna jasalǵan aýdarymdar 4,4 mlrd teńge boldy.Salystyryp qaraıtyn bolsaq, ótken jyldyń sáıkes kezeńinde Qordan 62,8 mlrd teńge tólendi. Onyń ishinde saqtandyrý uıymdaryna jasalǵan aýdarymdar 2,6 mlrd teńge boldy.
BJZQ salymshylar men alýshylarǵa qyzmet kórsetý boıynsha jumystardy únemi jetildirip keledi. Jyl basynan beri salymshylar men alýshylarǵa 4,4 mıllıonnan astam qyzmet kórsetildi.Bul rette elektrondyq tásilmen qyzmet kórsetý basymdyqqa ıe – 3,7 mıllıonnan astam operasııa (nemese 85%) (shottan berilgen úzindi kóshirmelerdi esepke ala otyryp) elektrondyq formatta júzege asyryldy.
«BJZQ» AQ turǵyndar arasynda turaqty negizde aqparat berý-túsindirý jumystaryn júrgizedi. Sonymen qatar uıymdar men kásiporyndarda jáne saýda oryndarynda kóshpeli tanystyrylymdyq sharalar ótkizedi. Jyl basynan beri 4 myńnan astam tanystyrylymdyq shara ótkizilip, oǵan 140 myńnan astam adam qatysty.
2019 jyldyń basynan beri biryńǵaı jıyntyq tólemdi (BJT) tóleý aıasynda BJZQ-daǵy 19 605 jeke zeınetaqy shotyna jalpy somasy 10,7 mln teńgege (4,7 mln teńge respýblıkalyq jáne oblystyq mańyzǵa ıe qala turǵyndarynan, al 5,9 mln teńge basqa eldimekenderdiń turǵyndarynan) 21 986 jarna kelip tústi. BJT tóleý aıasynda 2019 jyldyń aqpan aıynda jarna somasy 3,1 esege ulǵaıdy. Sonymen qatar BJT boıynsha jarnalary sany 3,5 esege jáne osy jarnalar túsetin zeınetaqy shottarynyń sany 3,4 esege artty.
Almaty