Sońǵy básekeni Nur-Sultannyń komandasy «Almaty legıonyna» qarsy ótkizdi. Bul tartysta 84:62 esebimen alǵashqylary jeńiske jetti. Osylaısha, «Astana» bıylǵy maýsymda da Qazaqstan kýbogynyń ıegeri atansa, almatylyqtar sońǵy orynda qalyp qoıdy.
Kúmis medaldi Qostanaıdyń «Tobyly» kúni buryn ıelense, úshinshi oryn úshin tartys «Atyraý Barystary» men Kókshetaýdyń «Sınegore» arasynda ótti. Bul básekede Batys óńirinen kelgen basketbolshylardyń mereıi ústem boldy. Esep – 78:76. Osy jeńistiń arqasynda atyraýlyqtar qola medaldi ıelendi.
El kýbogynyń qorytyndysy boıynsha eń úzdik bes oıynshy anyqtaldy. Osy atalym boıynsha Anton Bykov («Tobyl», Qostanaı), Dmıtrıı Gavrılov («Astana», Nur-Sultan), Robert Pan («Tobyl», Qostanaı), Vladımır Ivanov («Atyraý Barystary», Atyraý) jáne Rýstam Murzaǵalıev («Astana», Nur-Sultan) arnaıy syılyqtarmen marapattaldy.