Shyńǵys shyqqan shyńdar

2001 jyly 14 jasynda alǵash ret qolyna bylǵary qolǵap kıgen bozbala qysqa ǵana merzim aralyǵynda óziniń myqtylyǵyn moıyndatty. Sol jyly-aq ol Esik qalasynda ótken elimizge eńbek sińirgen jattyqtyrýshy Stanıslav Tynysbekovtiń týr­nıri men Taldyqorǵanda ja­laýy jelbirgen oblys birin­shiliginde top jardy. Alaı­da, sol kezderi balǵyn byl­ǵary qolǵap sheberlerin jattyq­ty­ryp júrgen bilikti bapker Rınat Baqqojauly basqa jaq­qa qonys aýdarǵannan keıin aýyl­daǵy úıirme qańyrap bos qaldy... 

Keleshekte halyqaralyq arenada el namysyn qorǵaıtyn myqty sportshy bolýdy arman­daǵan Shyńǵys 2003 jyly Al­matyǵa kelip, Qazaqtyń kólik jáne kommýnıkasııa akademııa­syna oqýǵa túsedi. Sol jerde júrip, áýelde mýaı-taımen shu­ǵyldandy. Odan keıin djıý-djıtsýǵa ańsary aýdy. О́zine tańsyq óner úıirmesiniń tabal­dyryǵyn attaǵanyna nebári eki apta bolǵanyna qaramastan, el quramasyn jattyqtyryp júrgen Qanat Tileýimbetov pen Meıirjan Qashaǵanov syndy maıtalman mamandar boıyna kúsh-qýaty syımaı, jalyndap turǵan tulǵaly jigitti Qazaqstan chem­pıonatyna qatys­tyrýdy qup kórdi. 

– Boks pen mýaı-taı mekte­binen ótkendikten aıaq jáne qol­men jaqsy soqqylar jasaý maǵan esh qıyndyq týǵyzǵan joq, – dep bastady óz áńgimesin Shyńǵys Qasymov. – Tek kúres jaǵy ǵana aqsap turdy. Soǵan qaramastan Pavlodardaǵy jarysta qos qarsylasymdy jeńip, jartylaı fınalda utyldym. Nátıjesinde el birinshiliginde qola medaldy ıelendim. Qysqa ǵana merzim aralyǵynda qol jetkizgen bul tabys meni qanat­tan­dyrdy. Djıý-djıtsýǵa de­gen qush­tarlyǵymdy oıatty. Osy sport túriniń qyr-syryna ábden qanyǵyp, sheberligimdi sha­ryqtaý shegine jetkenshe shyńdaý úshin jattyǵý zalynda aıanbaı ter tóktim. Eren eńbek esh ketken joq. Birte-birte bıik belesterdi birinen keıin birin baǵyndyra bastadym. 

Rasynda da, sodan keıingi kezeńder Shyńǵys úshin tolaǵaı tabystarǵa toly boldy. Atap aıtsaq, qazaqtyń qaısar uly 2005-2013 jyldar aralyǵynda ótken elishilik jarystarda altyn tuǵyrdan tómendegen joq. Aýyr jáne asa aýyr salmaq dárejesinde kúsh synasqan ol Qazaqstan chempıonatynda barlyǵy 8 ret top jaryp, el kýbogyn san márte oljalady. Úsh retten álem jáne Azııa chem­pıony atanyp, álem kýbogyn­da eki márte top jardy. Qart qurlyqta ótken dúbirli dodalardyń barlyǵyn tegisteı utyp shyqty. Osy jeńisteriniń arqasynda ol jaýyngerlik djıý-djıtsýdan Qazaqstanǵa eńbek sińirgen sport sheberi atandy. Qasymovqa deıin ondaı ataq osy sport túrin serik etken birde-bir otandasymyzǵa buıyrǵan joq edi. 

– Jaýyngerlik djıý-djıtsý Olımpıada baǵdarlamasyna enbegendikten, bizder úshin eń úlken mansap – álem chempıony ataný. Allanyń qalaýymen aıtýly jarysta úsh márte top jarý baqyty buıyrdy. 2011 jyly Dnepropetrovskide úsh kez­desýde de aıqyn basym­dyqpen jeńiske qol jetkizip, Qazaqstan sportshylary ara­synan eresekter dýynda al­ǵashqy bolyp álem chempıony atandym. 2012 jylǵy jarys Kıevte uıymdastyryldy. Dúnıejúzilik jaýyngerlik óner festıvali aıasynda ótken dúbirli dodada da asyǵym alshysynan túsip, aıdarymnan jel esti. Sońǵy ret 2013 jyly Polshanyń Krakov qalasynda jalaýy jelbiregen jarysta da babym men baǵym qatar sha­ýyp, úshinshi ret tórtkúl dúnıeniń teńdessizi atandym. Osy jeńisterimniń árqaısysy men úshin erekshe qymbat. Sebebi sol tabystardyń barly­ǵy da mańdaı ter jáne eren eńbek arqyly keldi, – deıdi keıipkerimiz. 

Jaýyngerlik djıý-djıtsýdan bólek Shyńǵys Qasymov jekpe-jek óneriniń basqa da túrlerinen eleýli tabystarǵa qol jetkizdi. Máselen, qoıan-qoltyq aıqastan el chempıony atanyp, sport sheberiniń kúmis belgisin keýdesine taqty. Quqyqqorǵaýshylar arasyn­da úzdiksiz ótip turatyn dás­túrli ja­rystarda osy ór minezdi, soq­qysy aýyr, rýhy bıik ji­gittiń jasyndaı jarqyraǵanyn jankúıerler umyta qoıǵan joq. 

2009 jyly Prezıdenttiń kúzet qyzmetkerleri arasynda Aqtóbede ótken el birinshiliginiń aqtyq saıysynda saqa sportshy Anton Amanbaevtan 0:4 ese­bimen utylyp jatyp, aqy­rynda aıqyn basymdyqpen jeńiske jetkeni de esimizde. Sol kezde sport keshenine jı­­nalǵan barsha kórermen Qa­sy­movtyń qaısarlyǵyna súı­singen edi. Sonymen qatar biz­diń keıipkerimizdiń joly eli­mizdiń tanymal sportshysy, ere­jesiz jekpe-jekten birqatar halyqaralyq týrnırlerde top jarǵan apaıtós Shahmaral Jet­pisovpen túrli jarystarda eki márte qıysqan eken. Bul básekeniń ekeýi de Shyńǵystyń kúmánsiz jeńisimen aıaqtaldy. 

27 jastan asqan shaǵynda djıý-djıtsýmen qosh aıtysqan Shyńǵys Qasymov báribir de úlken sporttan alystap kete almady. Almatydaǵy eki birdeı irgeli oqý oryndaryn oıdaǵydaı támamdap, ınjener jáne zańger mamandyǵynyń dıplomyn aldy. Úılenip, otbasyly boldy. Bul kúnderi qazaqtyń nar tulǵaly azamaty brazılııalyq djıý-djıtsýǵa myqtap den qoıdy. Endi ol osy sport túri boıynsha bıik belesterdi baǵyndyryp, álemdik dodalarda top jarýdy kózdeıdi.