– Bıylǵy jyly biz Azııa chempıonatyn tórtinshi márte ótkizip otyrmyz, – dep bastady óz áńgimesin Qazaqstannyń WRPF vıse-prezıdenti Ýálıhan Ten. – Onyń ústine sporttyń bul túri elimizde keremet qarqyn alyp keledi. Rasynda da, Almaty – «rekordtar ustahanasyna» aınalady. Osy jarys barysynda kórsetilgen nátıjelerdi resmı túrde tirkeý jóninde biz WRPF (Ekıpırovkasyz Dúnıejúzilik paýerlıftıng federasııasy) arnaıy hat joldadyq.
Úsh kúndik saıystar qorytyndysy boıynsha erler – 44 jáne áıelder – 14 altyn medaldi sarapqa saldy. Erler básekesinde 140 kılo salmaqta kúsh synasqan almatylyq Anton Soloveı ozdy. Ol jalpy esepte 887,5 kılony eńserdi. Al áıelder saıysynda 82,5 kılo salmaqta baq synaǵan almatylyq Darıa Nesterovaǵa teń keler eshkim tabylmady. Ol úshsaıystyń qorytyndysy boıynsha 452,5 kılolyq kórsetkishke qol jetkizdi.