Bul kúnderi elimizdiń birqatar tanymal boksshylary Almatyda bas qosyp, Keńes Odaǵynyń batyry, Halyq Qaharmany Saǵadat Nurmaǵambetovtiń memorıalynda kúsh synasýda.
Armııashylardyń ortalyq sport klýbynda (AOSK) ótip jatqan aıtýly jarystyń jalaýy bıyl 23 márte jelbirep otyr. Bul kúnderi kúlli Qazaqstannyń maqtanyshyna aınalǵan Muhtarhan Dildábekov, Gennadıı Golovkın, Galıb Djafarov, Serik Eleýov, Baqtııar Artaev, Serik Sápıev, Erkebulan Shynálıev, Birjan Jaqypov, Danııar Eleýsinov, Jánibek Álimhanuly jáne taǵy basqa shoq juldyzdardyń kezinde osy dodada óner kórsetkenin jankúıerler umyta qoıǵan joq.
Bıylǵy týrnırde Qytaı, Mońǵolııa, Reseı, О́zbekstan, Tájikstan, Qyrǵyzstan jáne Qazaqstannyń barlyq óńirinen kelgen bylǵary qolǵap sheberleri baq synaýda.