Osy aptada Eýropa chempıonatynyń irikteý týrnıriniń kezekti týr oıyndary ótip, Qazaqstan quramasy óz alańynda San-Marınony fýtbolshylaryn 4:0 esebimen oısyrata utqany belgili.
Ile-shala taǵy bir qýanyshty habardy qulaǵymyz shaldy. Atap aıtsaq, Qazaqstan quramasynyń shabýylshysy Baýyrjan Islamhan irikteý dodasynyń tórtinshi týrynyń qorytyndysy boıynsha eń úzdik oıynshy bolyp tanyldy. Tanymal «SofaScore» analıtıkalyq portaly qandasymyzdyń San-Marıno quramasyna qarsy ónerin 10.0 upaıǵa baǵalaǵan eken. Ekinshi jáne úshinshi oryndardy slovenııalyq jartylaı qorǵaýshy Iosıp Ilıchıch (9.6 upaı) men Germanııanyń juldyzy Marko Roıs (9.2 upaı) ıelendi.