«Endi biz zańdy tulǵalardyń qujattaryn qabyldap qana qoımaı, óńdep, memlekettik tirkeýge qoıatyn bolamyz. Bul qyzmetti atqarý úshin Ádilet mınıstrliginiń aımaqtyq bólimshelerinen 98 qyzmetker bizge aýysty, oǵan qosa biz 197 qyzmetkerimizdi oqytýdan ótkizdik», delingen habarlamada.
Jańadan engen ózgeristerge sáıkes zańdy tulǵalardy, atap aıtqanda aksıonerlik qoǵamdardy, memlekettik kásiporyndardy, barlyq kommersııalyq uıymdardy memlekettik qaıta tirkeý, taratý, fılıaldar men ókildikterdi eseptik (qaıta tirkeý) tirkeý qyzmetteri, qujattardyń qoldanystaǵy zańnamaǵa sáıkestigi týraly quqyqtyq saraptamany memlekettik korporasııa qyzmetkerleri júrgizedi.
Sonymen qatar memlekettik korporasııanyń mamandandyrylǵan HQO-lar qyzmetine ózgerister endi. 1 shildeden bastap ondaǵy IIM qyzmetkerlerin «Azamattarǵa arnalǵan úkimettiń» mamandary almastyrady. Kólikti tirkeýge qoıý nemese alý, júrgizýshi kýáligine ótinishterdi korporasııa mamandary qabyldaıdy, onda júrgiziletin emtıhandardy da avto HQO qyzmetkerleri ótkizedi. О́z kezeginde, barlyq qabyldanǵan ótinishter IIM-niń arnaıy qurylǵan keńselerine óńdeý úshin onlaın túrde jiberilip otyrady. Bul osy saladaǵy jemqorlyq áreketin tyıyp, memlekettik qyzmetterdiń sapaly ári jyldam kórsetilýine áser etýi tıis.
«Bul aýqymdy ózgerister memlekettik qyzmetterdiń sapaly kórsetilýine oń yqpal etýi tıis. Korporasııamyzdyń quzyryna ótken mindetterdiń ósýi – bizge degen senimniń artqany dep bilemin», dep atap ótti óz paraqshasynda Ásemgúl Baltasheva.