Iman hám «Internet-karta»

Atyraý oblystyq din isteri bas­qar­masynyń úsh mamany áleý­met­tik jelilerde taratyla­tyn des­trýktıvtik baǵyttaǵy materıal­darǵa monıtorıng júrgizip otyrady. Osy maqsatta arnaıy daıyn­dal­ǵan «Internet-karta» jobasy ar­qyly qaýipti dinı aqparattar avto­mat­­tandyrylǵan túrde jınalyp, sarap­talady. «Internet-karta» psev­­dosalafızm ıdeologııasy taralýyn baqylaýǵa, qaýipti akkaýnttar­dy, destrýktıvti dinı aǵym ustanýshylar taratqan ýaǵyzdardary anyqtaýǵa, jaýapkershilikke tartýǵa múmkindik beredi», deıdi oblystyq din is­teri basqarmasynyń basshysy Qaı­rol­la Kóshqalıev. О́tken jyly ekstre­mıs­tik mazmundaǵy 301 saıt pen ak­kaýnt anyqtalsa, bıylǵy alty aıda áleýmettik jelini teris baǵytta paı­dalanǵan 24 tulǵaǵa ákimshilik aıyppul salynǵan.

Din salasynda bilikti maman­dar­dyń tapshylyǵy áli de bar. Qazir ob­lys­ta 79 ımam qyzmet etedi, onyń 26,6 pa­­ıyzy ǵana joǵary bilimdi. Osy ol­qy­lyqtyń ornyn toltyrý maq­satyn­da oblys ákimdigi arnaıy jobany iske asyryp keledi. 2017 jy­ly jergilikti mesenattardyń qol­daýy­men dinı baǵytta bilim alatyn atyraýlyq 18 stýdentke oqý granty taǵaıyndaldy. О́tken jyly 44 stýdent grantpen qamtyldy. Bul ba­ǵyt­taǵy ju­mystar bıyl da jal­ǵa­sa­dy. Joba nátıjesinde joǵary bilim­di ımamdardyń kórsetkishi biraz artqan. 

О́ńirlik kommýnıkasııalar qyz­metinde ótken brıfıngte oblystyq din isteri basqarmasynyń basshysy «Jýsan» operasııasy kezinde Sırııa jerinen elimizge oralǵan 51 atyraýlyq týraly da aıtty. Onyń ishinde 26 bala bar. «Otty núktege» ketkenderdiń qatarynda áıel azamattardyń sany basym ekeni oılantady. Qazir olar Aqtaýdaǵy ońaltý ortalyǵynda.

Teris aǵymnyń qaǵıdalaryn sana­laryna quıyp alǵandarmen júr­­gizilip jatqan jumystardy nátı­jesiz deı almaımyz. Atyraýda din bas­qarmasy, aqparattyq taldaý or­talyǵy, «Shapaǵat» ońaltý orta­lyǵy, Qazaqstan Musylmandary dinı bas­qarmasynyń ókildigi birlesip atqar­ǵan sharalardyń arqasynda jyl basynan beri 35 adam jat aǵym­nan dástúrli dinı baǵytqa oraldy. Shetelderde kúmándi joǵary oqý oryndarynda oqyǵan úsh stýdent elge qaıtaryldy. Biraq áli 25 jas shekaranyń arǵy jaǵynda «kúmándi» bilim alyp júr...