Mańǵystaý oblysy Polısııa departamentinde 8-Naýryz – Halyqaralyq áıelder kúni merekesine oraı saltanatty shara ótti. Qyzmettik mindetterin adal atqaryp, joǵary jetistikterge qol jetkizgenderi úshin birqatar áıel qyzmetkerleri marapattaldy. Bul týraly Mańǵystaý oblysy Polısııa departamentiniń baspasóz qyzmeti habarlady.
Mańǵystaý polısııasy sapynda abyroıly eńbek etip júrgen qyz-kelinshekter az emes. Olardyń arasynda joǵary shendi polıseıler men laýazymdy qyzmettegileri de joq emes.
Mereke qarsańynda Qazaqstan Respýblıkasy Ishki ister mınıstriniń «Qurmet gramotasymen» - PD Qujattamalyq qamtamasyz etý bóliminiń basshysy S.Raýshanova, «Ishki ister organdarynyń úzdigi» II-dárejeli tósbelgimen – PD Arnaıy jáne jumyldyrý daıarlyǵy basqarmasynyń jumyldyrý daıyndyǵy jáne azamattyq qorǵanys tobynyń aǵa ınspektory polısııa maıory S.Sultanova, «IIM-niń alǵys hatymen» - PD Aqparattandyrý jáne baılanys tehnıgi polısııa starshınasy J.Mırmanova,
«Ishki ister organdaryndaǵy minsiz qyzmeti úshin» III-dárejeli medalimen PD Tergeý basqarmasynyń aımaqtyq baqylaý bóliminiń anyqtaýshysy polısııa kapıtany B.Kashıeva, «Ishki ister organdaryndaǵy minsiz qyzmeti úshin» III-dárejeli medalimen PD Aqparattandyrý jáne baılanys basqarmasynyń jedel esepke alý tobynyń ınspektory Á.Ábdi marapattalsa, «Polısııa maıory» kezekti arnaýly ataǵy PD Aqparattandyrý jáne baılanys basqarmasynyń aǵa ınspektory polısııa kapıtany S.Saǵyzbaevaǵa, «Polısııa leıtenanty» kezekti arnaýly ataǵy PD Aqparattandyrý jáne baılanys basqarmasynyń tehnıgi Sh.Tájiqulǵa berildi.
Sondaı-aq birqatar názik jandy polıseılerge Mańǵystaý oblysy Polısııa departamenti bastyǵynyń atynan «Qurmet gramota» men gramota, Alǵys hat tabystaldy jáne departamenttiń 361 qyzmetkeri aqshalaı syıaqymen marapattaldy.
Departament basshylyǵy áıel quramdy merekelermen quttyqtap, jyly lebizderin bildirdi.
Mańǵystaý oblysy