Búgin, 9 sáýirge deıin Almatyda koronavırýstyq ınfeksııa juqtyrǵany zerthanalyq túrde rastalǵan 121 jaǵdaı tirkeldi.
Jańadan anyqtalǵan 1997 jyly týylǵan birinshi pasıent 27 naýryzda Sankt-Peterbýrg-Almaty reısimen ushyp kelgen. Kelgen soń ol karantınge emdeýge jatqyzylyp, ınfeksııaǵa taldaýlar alynǵan bolatyn. Birinshi taldaý teris nátıje bergenimen, bir reıste jaqyn jerde otyrǵan jolaýshynyń dıagnozy oń nátıje berýine baılanysty, ony 14 kúndik karantınge oqshaýlanǵan. 8-shi kúni karantınge qaıta taldaý alynǵanda nátıje oń boldy. Qazir pasıenttiń jaı-kúıi qanaǵattanarlyq, aýrýdyń jeńil aǵymy retinde baǵalanýda.
Ekinshi 57 jastaǵy áıel – bul buǵan deıin anyqtalǵan naýqaspen baılanysta bolǵandardyń biri. Densaýlyǵy birqalypty.
Qazirgi ýaqytta Almatyda ınfeksııalyq stasıonarda (1 oblystyq) KVI bar 96 pasıent bar, onyń ishinde 4-ýi bala. 72 naýqastyń jaı-kúıi – qanaǵattanarlyq. Jasy kelgen 2 naýqastyń jaǵdaıy óte aýyr, 4 adamda – aýyr, 18 eresek adamnyń jaǵdaıy ortasha (1 oblystyq).
Búgin taǵy úsh pasıent jazylyp shyqty, onyń ishinde 1993 jáne 1985 jyly týylǵan eki áıel jáne 25 jastaǵy jas jigit. Birinshi áıel 13 naýryzda Berlın–Mınsk–Almaty charterlik reısimen, ekinshi áıel 23 naýryzda Ystambul–Máskeý reısimen jáne úshinshi adam 26 naýryzda Ystambul–Máskeý reısimen ushyp kelgen.
Megapolıste keselden saýyqqan pasıentterdiń sany 26 adamdy quraıdy. Provızorlyq gospıtaldarda 9 sáýirge 301 adam, onyń ishinde 34 bala bar. Karantındik oqshaýlaýda 388 azamat (41 bala) jatyr, úıde– 5217 adam.
ALMATY