COVID-19 pandemııasyna baılanysty jarııalanǵan karantın ýaqytynda el turǵyndaryn qoldaý maqsatynda jáne óz-ózin oqshaýlaý jaǵdaıynda kúızelistiń aldyn alý úshin Qazaq ulttyq qyzdar pedagogıkalyq ýnıversıtetiniń mamandary psıhologııalyq qyzmet kórsetýdi bastady.
Bul týraly ýnıversıtettiń Baspasóz qyzmetiniń jetekshisi Jandar Asan habarlady.
«Oqý ornynyń bilikti psıholog mamandarynan quralǵan top «Otbasy», «Psıhıkalyq saýlyq» jáne «Oqý, motıvasııa jáne ózin-ózi iske asyrýy» baǵyttary boıynsha keńes júrgizbek. Qyzmetterdiń barlyǵy tegin», – dep atap ótti Baspasóz qyzmetiniń jetekshisi.
Psıhologtar ózin-ózi oqshaýlaý sıtýasııasynda otbasy resýrstaryn qoldaý, ártúrli jas erekshelikterindegi balalardyń tárbıesine baılanysty suraqtar, otbasyndaǵy zorlyq-zombylyq áreketterdi boldyrmaý, jumyssyzdyq daǵdarysy, karantın kezinde «mobıldi toptardaǵy» jumys atqarýshy mamandardyń kásibı-emosııalyq quldyraýy sııaqty saýaldar tóńireginde keńes beredi.
Sonymen qatar olar tulǵanyń onlaın-sabaqqa psıhologııalyq beıimdelýi, oqýshylarda, stýdentterde oqýǵa degen motıvasııany qalyptastyrý, stýdentterdiń dıplom jumysyn qorǵaýǵa psıhologııalyq daıyndyǵy, ınklıýzıvti oqytý erekshelikteri jaıyndaǵy máselelerdi de qarastyrady.
Psıhologııalyq keńes jáne qoldaý alý úshin operatorlarǵa qońyraý shalyp, aldyn ala suranys qaldyrýyńyz kerek.
Psıhologııalyq qyzmet dúısenbi-juma kúnderi saǵat 9:00-18:00 aralyǵynda jumys isteıdi.
Baılanys telefondary: 8 775 309 00 01, 8 778 727 80 25.
Aldyn ala jazylýdy sizben habarlasqan operatorlar quziretti mamandarǵa baǵyttaıdy.
Aıta keteıik, Qazaq ulttyq qyzdar pedagogıkalyq ýnıversıtetiniń stýdentteri men oqytýshylary «UNIVER» aqparattyq júıesi arqyly psıhologııalyq qoldaý alýǵa múmkindikteri bar.
ALMATY