Almaty qalasynyń densaýlyq saqtaý basqarmasy da eki birdeı aýrýhanany karantınge jabýǵa májbúr bolyp otyr. Búgin, 13 sáýirde Almatyda indet juqtyrǵandar sany 172-ge jetti.
Sońǵy táýlikte taǵy qalada 27 jańa oqıǵa tirkelse, olardyń barlyǵy da medısına qyzmetkerleri.
Almatyda karantınge jabylǵan Ortalyq qalalyq klınıkalyq aýrýhanada koronavırýs juqtyrǵan dárigerlermen baılanysta bolǵan 316 adam oqshaýlanǵany týraly Almatynyń bas sanıtar dárigeri Aızat Moldaǵasymova málimdedi.
«Biz jaqyn baılanysta bolǵan 316 adamdy oqshaýladyq. Munyń Almatydaǵy eń úlken klınıka ekenin eskerý kerek. Munda 1000-nan asa qyzmetker bar, eki bólim boıynsha 316 adam oqshaýlandy», - dedi Bas sanıtar.
Almaty koronavırýs juqtyrǵan dárigerlerge baılanysty epıdemıologııalyq tergeý bastaldy.
ALMATY