Bilim jáne ǵylym mınıstrligi balalardy tamaqtandyrý sapasyn arttyrý maqsatynda konkýrstyq rásimderdi memlekettik satyp alýdyń biryńǵaı elektrondyq formatyna kóshirdi. Bul týraly Balalardyń quqyqtaryn qorǵaý komıtetiniń baspasóz qyzmetine silteme jasaı otyryp Egemen.kz habarlaıdy.
Bul qadam – konkýrstyń aıqyndylyǵyn arttyryp, qujattar sanyn qysqartyp, jetkizýshilerge ótinim toltyrýǵa jumsalatyn ýaqytty únemdeıi. Sondaı-aq, qarjylyq baqylaý organdary jedel elektrondyq baqylaýdy júzege asyra alady.
Konkýrsqa qatysýshylardyń biri konkýrstyq komıssııanyń áreketine shaǵym túsirgen jaǵdaıda, konkýrsty joıý, ónim berýshimen shartty buzý jáne ýákiletti memlekettik organdardyń aktileri negizinde jeńimpazben shart jasasý rásimin toqtata turý boıynsha normalar engizildi.
Sonymen qatar bilim berý uıymdary men organdarǵa, qyzmetterdi, taýarlardy jetkizýshilerge qoıylatyn talaptar kúsheıtildi.
Mektepterde tamaqtanýdy uıymdastyrý týraly ata-analardy habardar etý úshin bilim berý organdary men uıymdarynyń saıtynda "Mekteptik tamaqtandyrý" aıdary, sondaı-aq "Kúndelik" júıesinde as máziri, taǵamdardyń fotosýreti, brakeraj komıssııalarynyń jáne vedomstvoaralyq saraptama toptarynyń aktileri qosa beriledi.
Qalalyq mektep ashanalarynyń as bloktarynda beınebaqylaý júıesi ornatylady. Sondaı-aq ata-analar balalardyń tamaqtanýyn baqylaýda ustaýy úshin qolma-qol aqshasyz esep aıyrysý júıesi engiziledi.
Bilim alýshylarǵa jedel jáne sapaly qyzmet kórsetý máselelerin sheshý negizinde oqýshylardyńsanyna baılanysty aspazshylar men as bloktary qyzmetkerleriniń sanyna qoıylatyn talaptar qarastyrylǵan. Mysaly, eger mektepte 1501-den 2500-ge deıin bilim alýshy bolsa, onda ónim berýshi keminde 3 aspazshy men 5 as úı jumysshysy qyzmetin qamtamasyz etýi tıis.
О́nim berýshi konkýrsty ótkizý kezeńinde aı saıyn paıdalanylatyn tamaq ónimderiniń sapasyn, as blogy qyzmetkerleriniń sandyq jáne sapalyq quramyn málimdep, rastaıtyn bolady.