Aqmola oblysynyń qylmystyq-atqarý júıesi departamenti (QAJD) mekemelerinde indettiń aldyn-alý maqsatynda dezınfeksııa júrgizilip jatyr. Bul týraly Polisia.kz-ke silteme jasaı otyryp Egemen.kz habarlaıdy.
Karantın kezeńinde shekteý jáne aldyn alý sharalary sheńberinde, QAJD vedomstvolyq baǵynysty mekemeleriniń aýmaǵy men ǵımarattarynda vırýstyń taralýyna jol bermeý jáne jeke quramdy qaýipsizdendirý úshin, oblystyq departament pen Kókshetaý baqylaý basqarmasynyń qyzmetkerleri turǵyn aımaqty, ákimshilik korpýstardy jáne mekemelerge irgeles jatqan aýmaqty quramynda hlory bar zattardy alyp júretin shashyratqyshtardy qoldana otyryp, aýqymdy sanıtarlyq-dezınfeksııalyq óńdeý júrgizedi.
– Biz bárin óńdeımiz, – deıdi oblys mekemeleri basshylarynyń biri Nurlan Álibekov, – sottalǵandardyń dene temperatýralyq rejimi, sondaı-aq medısına qyzmetkerleri men jasaq bastyqtarynyń únemi baqylaýynda.
– Jasaqtar arasynda qozǵalys shekteldi, – deıdi ES – 166/18 mekemesiniń bastyǵy Tımýr Sádýaqasov, – sottalǵandar, ashanalar jasaq boıynsha barady, barlyq sanıtarlyq-aldyn alý sharalaryn saqtaı otyryp – dezınfeksııalaý quraldaryn qoldana otyryp, ústelderdi, oryndyqtardy, edenderdi óńdeý, bakterısıdti shamdardy kvarstaý.