Búgin, 16 qazan kúni Atyraý oblysynyń mamandandyrylǵan aýdanaralyq qylmystyq sotynda sýdıa Gúlmıra Dáýletovanyń tóraǵalyq etýimen «Atyraý» voleıbol komandasynyń basshylyǵyna qatysty sot úkimi shyqty. Bul týraly oblystyq sottyń baspasóz hatshysy Boranbaı Ǵalıev habarlady.
«Sottalýshylar dúnıe-múlkin tárkileýmen jáne 5 jyl merzimge memlekettik qyzmette laýazymdyq jumys isteý quqyǵymen qatar 8 jylǵa bas bostandyǵynan aıyrylý jazasyn aldy», - delingen habarlamada.
Úkimge saı, komandanyń dırektory Jeńisbek Muhanbetjanov Qylmystyq kodekstiń 235-baby 3-bóligimen (uıymdasqan qylmystyq top qurý jáne ony basqarý ), 307-baby 4-bóligimen (qyzmet ókilettigin teris paıdalaný) jáne 314-baby 1-bóligimen (qyzmettik jalǵandyq jasaý ) kináli dep tanylyp, 8 jylǵa bas bostandyǵynan aıyryldy. Ol jazasyn qatań rejimdegi kolonııada óteıdi, al dúnıe-múlkin tárkilenedi. Komandanyń bas jattyqtyrýshysy Aleksandr Zapovalov 235-baptyń 3-bóligimen (uıymdasqan qylmystyq top qurý jáne ony basqarý ), 307-baptyń 4-bóligimen (qyzmet ókilettigin teris paıdalaný) kináli dep tanylyp, 8 jylǵa bas bostandyǵynan aıyryldy. Ony da joǵarydaǵydaı tártipter kútip tur. Bas esepshi Svetlana Harkına Kodekstiń 235-baby 3-bóligimen (uıymdasqan qylmystyq top qurý jáne ony basqarý ), 307-baby 4-bóligimen (qyzmet ókilettigin teris paıdalaný) jáne 314-baby 1-bóligimen (qyzmettik jalǵandyq jasaý ) kináli dep tanylyp, 8 jylǵa bas bostandyǵynan aıyryldy, jazasyn qatań rejimdegi kolonııada óteýge, dúnıe-múlkin tárkileýge jazalary taǵaıyndaldy. Sol sııaqty S.Harkınanyń tárbıelenýinde kishkentaı sábıi bolýy sebepti bas bostandyǵynan aıyrý jazasy balasy 14 jasqa tolǵanǵa deıin keıinge shegerildi.
Sot úkimi zańdy kúshine engen joq. Úkimge rıza emes jaqtar 15 táýlik ishinde Atyraý oblystyq sotynyń apellıasııalyq alqasyna shaǵym bere alady.
Qurysh Nurymbet.