«Sky News Arabia» telekompanııasynyń úsh qyzmetkeri Sırııada iz-tússiz joǵaldy. Bul týraly ITAR-TASS habarlady.
«Sky News Arabia» telearnasy qyzmetkerleri joǵalýy múmkin aımaqtarǵa habarlasyp, olardy qaıtarýlaryn surady.
Kompanııa jetekshisi Nart Boýran álgi úsh jýrnalıstiń Sırııanyń soltústik aýdandaryndaǵy gýmanıtarlyq jaǵdaıdy túsirýge barǵanyn málimdedi. Boljam boıynsha, reporter Ishak Mostar, teleoperator Samır Kassab jáne otbasynyń ótinishi boıynsha aty atalmaı otyrǵan kólik júrgizýshisi Aleppo qalasy mańynda joǵalyp ketken.
N.Boýran sóz oraıynda Sırııanyń soltústik aýdandary búgingi tańda jýrnalıster úshin asa qaýipti aımaq ekenin atap ótti. Sońǵy birneshe aıda munda Sırııa men sheteldiń on shaqty BAQ ókilderi qaza bolǵan, jaraqat alǵan nemese sodyrlardyń qamaýyna alynǵan eken.
Aıdar О́risbaev.