Bizdiń paryzymyz – halyq senimin aqtaý

Osyny memlekettik qyzmetkerler umytpaýy kerek, dedi Prezıdent Nursultan Nazarbaev keshegi keńeste

Keshe Astanada Elbasy Nursultan Nazarbaev «A» basqarýshylyq korpýsynyń memlekettik qyzmetshilerimen keńes ótkizdi.

Keńeste «A» korpýsyna ótkizilgen irikteý qorytyndysy shyǵarylyp, merıtokratııa, ashyqtyq jáne qoǵamǵa eseptilik qaǵıdattary boıynsha memlekettik qyzmetti odan ári jańǵyrtý jóninde tapsyrma berildi.

Memleket basshysy asa mańyzdy strategııalyq mindetti iske asyrýda olardan zor jaýapkershilik talap etiletinin keńeske qatysýshylardyń esine salyp ótti. О́z sózinde Qazaqstan Prezıdenti bul kezdesýdiń mundaı formatta alǵash ret ótip otyrǵanyna toqtaldy.

Osyny memlekettik qyzmetkerler umytpaýy kerek, dedi Prezıdent Nursultan Nazarbaev keshegi keńeste

Keshe Astanada Elbasy Nursultan Nazarbaev «A» basqarýshylyq korpýsynyń memlekettik qyzmetshilerimen keńes ótkizdi.

Keńeste «A» korpýsyna ótkizilgen irikteý qorytyndysy shyǵarylyp, merıtokratııa, ashyqtyq jáne qoǵamǵa eseptilik qaǵıdattary boıynsha memlekettik qyzmetti odan ári jańǵyrtý jóninde tapsyrma berildi.

Memleket basshysy asa mańyzdy strategııalyq mindetti iske asyrýda olardan zor jaýapkershilik talap etiletinin keńeske qatysýshylardyń esine salyp ótti. О́z sózinde Qazaqstan Prezıdenti bul kezdesýdiń mundaı formatta alǵash ret ótip otyrǵanyna toqtaldy.Osy zalda barlyq basqarýshy salanyń, bıliktiń barlyq deńgeıiniń jáne barlyq óńirdiń ókilderi otyr. Bizdiń kezdesýimiz – tarıhı kezdesý. «A» korpýsynyń qurylýy elimizdegi kásibı memlekettik apparattyń damýynyń bir kezeńin aıaqtap, kelesi kezeńin bastaıdy. Men árdaıym Qazaqstannyń tabysty damýyn saýatty basqarýshylardyń qajyrly eńbegimen, ádil, ustanymy berik halyq qyzmetshilerimen baılanystyryp kelemin. Qazaqstan TMD aýmaǵynda eń birinshi bolyp «Memlekettik qyzmet týraly» Zań qabyldady. Bizdiń tarapymyzdan «Qazaqstan-2030» tarıhı Strategııasy merziminen buryn júzege asyryldy, «Kásibı Úkimet» onyń basymdyǵy boldy. Biz ondaǵy júıeli mindetterdi sheshtik. Bizdiń memlekettik apparat kásibı, jaýapty, qarqyndyraq bola tústi, dedi Memleket basshysy.

Nursultan Nazarbaev ákimshilik memlekettik qyzmet konkýrstyq negizde qalyptastyrylatynyn atap ótti. Memlekettik qyzmet­shiniń mansap jolyndaǵy ósýi olardyń talantyna, jedeldigine, kásibı sapasyna tikeleı baılanysty. Menimen áńgime ústinde sheteldik qonaqtar – memleket jáne úkimet basshylary, ózge elderdiń saıasatkerleri men bıznesmenderi qazaqstandyq memlekettik qyzmetshilerdiń jas ekendigin jáne jumystarynyń sapaly ekendigin únemi aıtyp otyrady. Men olarǵa Qazaqstan jas el ekenin árdaıym aıtamyn. Biz is júzinde memlekettik qyzmetshilerdiń kadrlyq korpýsyn qaıta qalyptastyrǵanymyzdy aıtamyn. Bizdiń basqarýshylarymyzdyń kásibı ári sapalyq ósýine árdaıym qamqorlyq kórsetip otyratynymyzdy aıtamyn, dedi Qazaqstan Prezıdenti.

* * *

Memleket basshysy búginde respýblıkamyzda otandyq memlekettik qyzmettiń aldyńǵy qatardaǵy korpýsy qurylǵanyn atap ótti. – Sizder irikteýdiń kúrdeli kezeńinen óttińizder, bir orynǵa 4 adamnan kelgen naǵyz básekelestikke tótep berdińizder. Sizder zańdardy óte jaqsy biletinderińizdi dáleldeı bildińizder. Sizder sapaly basqarýshylyq sheshimderdi ázirlep, qabyldaı alasyzdar, sondaı-aq olardyń tıimdi oryndalýyn uıymdastyra bilesizder dep úmittenemin, dedi Nursultan Nazarbaev.  

Qazaqstan Prezıdenti «A» korpýsynyń quramyna engen barlyq memlekettik qyzmetshini quttyqtady. Bul – sizderdiń jeke ómirlerińizdegi jáne búkil memleket ómirindegi mańyzdy oqıǵa. Sizderdiń jumystaryńyzǵa zor úmit artatynymdy ashyq aıtqym keledi. Búkil memlekettik apparattyń túbegeıli jańartylýyn sizdermen baılanystyramyn. Qazir Qazaqstan úshin betburysty kezeń bastaldy. Biz jańa saıası baǵytty, «Qazaqstan-2050» Strategııasyn senimmen bastadyq. Bul jumystyń alǵashqy qadamdarynyń biri «A» korpýsyn qalyptastyrý – memlekettik apparat ózeginiń jańartylýy kezdeısoqtyq emes. Memleket pen qoǵam aldynda jańa mindetter tur. Olardy jańasha, kreatıvtik turǵydan oılastyryp, tabandylyqpen sheshý kerek. Sizderdiń basty mıssııalaryńyz osy dep bilemin, dedi Memleket basshysy.

Nursultan Nazarbaev eldiń turaqtylyǵy men qarqyndy damýy eńbekke jáne halyqqa qaltqysyz qyzmet etýge baılanysty ekenin seziný qajettigin atap ótti.

* * *

Memleket basshysy «A» korpýsyna konkýrs ótkizý arqyly talantty jáne tabysty basqarýshylar úshin transparentti áleýmettik lıft jasalǵanyn aıtty. – Jalpy, ótkizilgen konkýrs máselesi – endi keleshektiń isi jáne oǵan taldaý jasaý kerek. Biz aýdandar ákimderinen bastap Ádilet mınıstrliginiń qyzmetkerlerine deıin zańnamanyń barlyq tarmaǵyn tereń bilý jóninde ortaq talap qoıdyq.

Bul arada Memlekettik qyzmet isteri agenttigi sońyna deıin bárin pysyqtady. Kósh júre túzeledi dep sanaýǵa bolady. Men konkýrs barysynda úmitkerlerdiń keıbireýi tek bir-eki ball ala almaı qalǵanyn bilemin. Bul qol qýsyryp otyrýǵa sebep emes. Sóz joq, «A» korpýsy qatyp qalǵan kadrlyq qurylym emes. Eń laıyqty degen qyzmetshiler saıası memlekettik qyzmet qataryn tolyqtyratyn bolady. Bul zalda ortalyq vedomstvolardyń, memlekettik holdıngter men ulttyq kompanııalardyń bolashaq basshylary otyr dep senemin. Al olardyń naqty kim ekenin ýaqyt jáne sizderdiń árqaısyńyzdyń talantyńyz anyqtaıdy, dedi Qazaqstan Prezıdenti.

Nursultan Nazarbaev «A» korpýsy elimizdiń memlekettik basqarý júıesiniń býyny retinde udaıy jańartylyp otyratynyna nazar aýdardy. Men sizder búkil memlekettik apparattyń jańartylý isine súbeli úles qosa­dy dep kútemin. Eń aldymen, bıýro­krattyq pen sózbuıdalyqtyń azaıý­yn, memlekettik qyzmet kórsetý sapasynyń jaqsarýyn, etıkanyń qatań saqtalýyn jáne sybaılas jemqorlyqqa qarsy ymyrasyz ustanymnyń bolýyn qalaımyn, dedi Memleket basshysy.

* * *

Qazaqstan Prezıdenti búginde memlekettik basqarýda eń taıaý ýaqytta sheshýdi qajet etetin birqatar túıtkil bar ekenine toqtaldy. Eń aldymen, bul – halyqqa memlekettik qyzmet kórsetý sapasynyń tómendigi. Qyzmettiń bir túrinen 450 tártip buzýshylyq oryn alyp otyr. Qujat aınalymynyń deńgeıin, týrasyn aıtqanda, bıýrokratııa deýge bolady, 1 qyzmetkerge keletin qujattar sany 500-ge jetip jyǵylady. О́tken jyly qazaqstandyqtar memlekettik organdardyń talaby boıynsha 22 mıllıonnan astam anyqtama tapsyrǵan. Bul qalaı bolǵany? Anyqtama azamattardan da kóp. Bul tipti biz elektrondy qujat aınalymy júıesin, HQO-lardy jedel damytyp otyrǵannyń ózinde oryn alýda. Bıýrokratızm – memlekettik basqarý júıesindegi jumystyń normadan tys bolýy­nyń saldarynyń biri, dedi Nursultan Nazarbaev.

Qazaqstan Prezıdenti óz tapsyrmasymen «Memlekettik qyzmetter kórsetý týraly» jańa Zańnyń qabyldanǵanyn atap ótti. Bul zań sizderdiń únemi qoldanatyn qujattaryńyzǵa aınalýy tıis. Onyń negizinde memlekettik qyzmet kórsetýdi ońtaılandyrýǵa, onyń sapasy men nátıjeliligin arttyrýǵa qol jetkizý qajet. «A» korpýsynyń qarqyndy damýyn qamtamasyz etip, bul úshin birqatar sharany iske asyrý qajet. «A» korpýsyna jańa irikteý kezeńin anyqtaý mańyzdy dep sanaımyn. «A» korpýsyn jańartýdy júzege asyrý tek qana konkýrstyq jolmen anyqtalatynyn aıtpaqpyn. Bul laýazymǵa eshqandaı da «avtomatty túrde» ótý jáne aýysý bolmaýǵa tıis. Konkýrsqa bıyl talap etilgen nátıje kórsete almaǵandar da qatysýǵa quqyly, dedi Qazaqstan Prezıdenti.

Nursultan Nazarbaev alǵashqy konkýrs qorytyndysyna tereń taldaý jasap, onyń ótkizilý sharttaryn jaqsartý, birinshi kezekte, obektıvtiligin jaqsartý jóninde sharalar qabyldaýdy tapsyrdy.     Meniń Ákimshiligime Úkimetpen jáne Memlekettik qyzmet isteri agenttigimen birlesip birneshe aı boıy osyndaı jumys júrgizýdi tapsyramyn. Sondaı-aq, ákimshilik memlekettik qyzmettiń merıtokratııa qaǵıdattaryn zańnamalyq qamtamasyz etý men qorǵaýdyń búkil tetigin jaqsartý mańyzdy. Úkimetke kelesi jyldyń birinshi toqsanynan keshiktirmeı bul másele jóninde usynystar jınaǵyn ázirleýdi tapsyramyn, dedi Memleket basshysy.

* * *

Qazaqstan Prezıdenti «A» korpýsynyń árbir múshesine qatysty qazirgi kadrlyq ustanym uzaq merzimge deıin «qatyp qalmaýǵa» tıistigin atap kórsetti. «A» korpýsynyń ishinde júıeli rotasııany qamtamasyz etý kerek. «A» korpýsynyń memlekettik qyzmetshileri besaspap mamandar bolýǵa tıis. Sizder jumystyń jańa kólemi men baǵyttarynan qoryqpaýǵa tıissizder. Memlekettik qyzmettegi jumystyń jańa daǵdysyna mashyqtaný úshin bas­tamashyl bolýlaryńyz qajet. Bul sizderdiń kásibı sheberlikterińizge qatysty másele, dedi Nursultan Nazarbaev.

Memleket basshysy aýyldyq okrýgterdiń taıaýda saılanǵan ákimderine qoldaý kórsetýge aıryqsha kóńil bólý qajettigin atap ótti. Olardy qosymsha resýrstarmen qamtyp, birqatar quzyretter berdik. Solardy paıdalanýdy úıretý jáne qajetti ádistemelik materıaldarmen qamtamasyz etý qajet. Memlekettik qyzmet akademııasy janynan olar úshin qysqa merzimdi kýrstar uıymdastyrylýy tıis. Bul úshin jaýapkershilikti Prezıdent Ákimshiligimen birge Memlekettik qyzmet isteri agenttigine júkteımin. Sondaı-aq, «A» korpýsynyń múshelerin zamanaýı basqarý ádisterine, sonyń ishinde sheteldik tájirıbe negizinde turaqty oqytý júıesin qurý mańyzdy dep sanaımyn, dedi Qazaqstan Prezıdenti.

Nursultan Nazarbaev «A» korpýsynyń tıimdi jumys isteýiniń mańyzdylyǵyn eskere otyryp, oǵan kiretin memlekettik qyzmetshilerdiń áleýmettik kepildikterin jaqsartý júıesin oılaǵan jón ekendigin atap ótti. Qyzmetkerlerdiń materıaldyq qamtylýy laıyqty deńgeıde bolýy mańyzdy. Bir jaǵynan, memlekettik qyzmetshilerge, eń aldymen «A» korpýsyna joǵary jalaqy tóleý – sybaılas jemqorlyqqa qarsy amal. Tabys tirshilikke, otbasyn asyraýǵa jetkilikti bolýy tıis, sondyqtan kelesi jyldyń 1 qańtarynan bas­tap sizderdiń jalaqylaryńyz 50 paıyzǵa ulǵaıatyn bolady, dedi Memleket basshysy.

Qazaqstan Prezıdenti jalaqy­nyń ósýin ózindik avans retinde atady. Biz bárimiz eńbekaqyny memleketten, bıýdjetten alamyz, bizdi qoǵamymyzdyń músheleri – Qazaqstan azamattary asyraıdy. Demek, biz sol halyqqa qyzmet etýge tıispiz. Osyny umytýǵa bolmaıdy, dedi Nursultan Nazarbaev.

* * *

Memleket basshysy qazirgi tańda elimizde oryndalyp jatqan tarıhı uly mindetter ortasynda bolý mártebesi barlyq urpaqqa birdeı buıyra bermeıtinin atap aıtty. Bizge mundaı mártebeni taǵdyr jazdy. Bizdiń paryzymyz – halyq senimin aqtaý, bıikte bolý, jerimizdiń taǵdyry men halqymyzdyń ıgiligine jaýapty bolý. О́z kúshimizdi aıamaı, Strategııa-2050-de mejelengenniń bárin júzege asyrý kerek. Sizderge, «A» korpýsynyń qyzmetshilerine Qazaqstannyń aldaǵy tarıhyn jarqyn etý mártebesi buıyrdy. Muny eń aldymen búkil halqymyzdyń sizderge artqan joǵary senimi retinde túsinýge tıissizder, dedi Qazaqstan Prezıdenti.

Nursultan Nazarbaev kásibılik, adaldyq, bastamashyldyq, patrıot­tyq, halyqqa qyzmet etý, joǵary moraldyq jáne ónegelik qasıetter – «A» korpýsy memlekettik qyzmet­shileriniń eń basty qyrlary ekenin atap ótti. Sizder «A» korpýsy esh­qandaı da elıta emes ekenin ár­qashan este ustaýǵa tıissizder. Ol halyqtyń óz arasynan alyndy. Barlyǵyńyz da halyqtyń qyz­met­shisi ekendikterińizdi eshqashan umytpańyzdar. Adamdarǵa nemquraıly qaraýǵa bolmaıdy. Olardyń problemalaryn bilip, ony sheshýmen kúni-túni aınalysý qajet! Adamdardy sendire bilý, ádil ári ashyq suhbat júrgizý mańyzdy. Sizderdiń bıik maqsattaryńyz ben uly paryzdaryńyz da osynda. Este ustańyzdar, sizder Otanymyz úshin jumys isteıtin meniń komandamnyń bir bóligisizder, dedi Memleket basshysy.

* * *

Qazaqstan Prezıdenti memle­ket­tik apparattyń basty mindeti ekonomıkanyń odan ári ósýin qam­tamasyz etý, jumys oryndaryn ashý jáne halyqtyń ál-aýqa­tyn arttyrý úshin áleýmettik jaǵ­daıdy jaqsartý ekenin eske saldy. Bul úshin memleket tıisti baǵdar­lamalardy qarjylandyryp otyr.

– Shaǵyn jáne orta bıznesti damytý úshin arnaıy «Bıznestiń jol kartasy-2020» baǵdarlamasy ázirlendi, ony turǵyndarǵa túsindirý qajet. Biraq bul jumys is júzinde júrgizilip otyrǵan joq. Ol aýdandar men qalalar jáne, árıne, oblys ákimderiniń tikeleı mindeti bolyp tabylady. Sondaı-aq, biz halyqty taza aýyz sýmen qamtamasyz etý jónindegi baǵdarlamany ázirledik. Alaıda, bul baǵdarlama boıynsha aqsha ıgerilmeı jatyr. Buǵan qosa, búginde búkil el boıynsha mektep, aýrýhana jáne ózge de nysandar qurylysyna bólingen 150 mlrd. teńge ıgerilmeı qalyp otyr. Bul – memleket úshin joǵalǵan aqsha degen sóz, ony qaıtarý qajet, dedi Nursultan Nazarbaev.

* * *

Qazaqstan Prezıdenti eldi damytýdyń mańyzdy taǵy eki máselesine nazar aýdardy. Integrasııalyq úderisterge qatysty Memleket basshysy olardyń eldiń áleýmettik-ekonomıkalyq damýynyń qajetti sharty bolyp sanalatynyn jáne ony jandandyrýdyń ýaqyt talabynan týyndap otyrǵanyn atap ótti. Búginde ishki naryǵymyz ábden toldy, endi ekonomıkanyń jyl saıynǵy ósiminiń 6-7%-yn qamtamasyz etý úshin bizge syrtqy naryqtar tabý kerek. Sondyqtan Qazaqstan men Qytaıdyń shekarasynda biz shekara mańy saýdasynyń halyqaralyq ortalyǵyn saldyq, onda barlyq qajetti ınfraqurylym qalyptastyrylatyn bolady. Keden odaǵy elderiniń naryǵyn ıgerý qajet. Sol naryqtarda básekege tótep berý kerek, sosyn Dúnıejúzilik saýda uıymy sheńberinde jańa deńgeıge shyǵý qajet, dedi Qazaqstan Prezıdenti.

Eldiń turaqty túrde ilgerileýiniń mańyzdy sharty retinde Memleket basshysy memlekettik tildi odan ári damytý jaıyn atady. Eger sizder óz apparattaryńyzda qazaq tilinde adamdar arasynda qarapaıym qarym-qatynas jasaýǵa úıretýdi durys jolǵa qoısańyzdar, sonyń ózi jetkilikti. Buǵan ýaqyt bólip, árbir aýdanda, árbir qalada oqytý isin uıymdastyrý kerek. Sonda biz memlekettik tildi tolyq meńgerý máselesin kótere alamyz, dedi Nursultan Nazarbaev.

Sonymen qatar, Qazaqstan Prezıdenti bolashaqta memlekettik tildi búginde mektepte oqyp jatqan balalar erkin meńgeretinin aıtty. Kelesi býyn ósip-jetilgen kezde, 2020-2025 jyldarǵa qaraı olar ýnıversıtetterde memlekettik tilde oqıtyn bolady, memlekettik qyzmetke keledi, sonda biz olardan memlekettik tildi talap ete alamyz. Bul oraıda óz tilin joǵaltyp alýǵa az qalǵan qazaq halqynyń qazir ony qalpyna keltirýdi qalaıtyn umtylysy men arman-tilegin durys túsiný kerek. Mundaı kóptildilik búkil postkeńestik keńistikte tek Qazaqstanda saqtalyp qalǵanyn da aıta ketken jón. Ýkraına da, Kavkaz respýb­lıkalary da, Ortalyq Azııadaǵy kórshilerimiz de tek ózderiniń memlekettik tilinde sóılesedi. Bizdiń ustanymymyz durys, óıtkeni, tildi bilmeıtinder kináli emes – ýaqyt sondaı boldy. Eresek adam bir kúnde basqa tilde birden sóılep kete almaıdy. Biz buǵan túsinistikpen qaraýǵa tıistimiz. Biz jumysqa alǵanda bolsyn, qyzmet kórsetýde bolsyn, oqý oryndarynda bolsyn – elimizde eshkimdi tildik turǵydan kemsitpeımiz. Bul baǵytta elimizdiń tynyshtyǵy men turaqtylyǵyn qamtamasyz ete otyryp, Qazaqstan halqy Assambleıasy jumys júrgizýde, dep atap ótti Nursultan Nazarbaev.

Sońynda Qazaqstan Prezıdenti keńeske qatysýshylarǵa tabysty jáne qyzyqty jumys, sondaı-aq sáttilik pen densaýlyq tiledi.

* * *

О́z sózderinde «A» korpýsyna kirgen memlekettik qyzmetshiler – Ádilet mınıstrliginiń jaýapty hatshysy M.Beketaev, Aqmola oblysy ákimi apparatynyń basshysy B.Esimova, Batys Qazaqstan oblysyndaǵy Qaratóbe aýdanynyń ákimi A.Shaharov jáne Qaraǵandy oblysy Shahtınsk qalasynyń ákimi A.Aglıýlın, Soltústik Qazaqstan oblysy ákimi apparatynyń basshysy V.Dýdov, Aýyl sharýashylyǵy mınıstrliginiń jaýapty hatshysy A.Evnıev Memleket basshysynyń senimi úshin alǵys aıtyp, bar kúsh-jigerlerin Qazaqstannyń damýyna jumsaıtyndyqtaryn málimdedi.

Kásibı basqarýshylardyń «A» korpýsy bıyl Memleket basshysynyń tapsyrmasy boıynsha quryldy. Búginde Prezıdent janyndaǵy Kadr saıasaty jónindegi ulttyq komıssııanyń irikteýinen ótken rezervtegi 940 adamnyń 520-sy qyzmetke taǵaıyndaldy.

Jaqsybaı SAMRAT,

«Egemen Qazaqstan».