Oqý ordalarymyzǵa bilimimiz ben biligimiz saı

Jambyl oblystyq bilim basqarmasy elimizdiń bilim berýdi damytýdyń 2011-2020 jyldarǵa arnalǵan memlekettik baǵdarlamasyn oryndaý maqsatynda birqatar aýqymdy jumystar júrgizýde. Bilim berý júıesine bólinetin qarjy kólemi jyl saıyn ósýde.

Jambyl oblystyq bilim basqarmasy elimizdiń bilim berýdi damytýdyń 2011-2020 jyldarǵa arnalǵan memlekettik baǵdarlamasyn oryndaý maqsatynda birqatar aýqymdy jumystar júrgizýde. Bilim berý júıesine bólinetin qarjy kólemi jyl saıyn ósýde.

Aǵymdaǵy jyly bilim nysandarynyń materıaldyq-tehnıkalyq jabdyqtalýyna 10,3 mıllıard teńge bólindi. Onyń ishinde bilim nysandarynyń qurylysyna 5,5 mıllıard teńge, jóndeý jumystaryna 4,4 mıllıard teńge, jańa modıfıkasııaly kabınettermen jabdyqtaýǵa 385 mıllıon, mektep jıhazdaryn alýǵa 51 mıllıon teńge qarastyryldy.

Aǵymdaǵy jyly barlyǵy 24 bilim nysanynyń qurylysy júrgizilýde, onyń ishinde 11 nysandy ústimizdegi jyly paıdalanýǵa berý josparlandy.

Josparlanǵan nysandardyń ishinen Taraz qalasyndaǵy 320 oryndyq balabaqsha, Baızaq aýdany Sarykemer aýylyndaǵy 280 oryndyq balabaqsha, Jambyl aýdany Jasórken aýylyndaǵy 300 oryndyq, Jýaly aýdany Aqtóbe aýylyndaǵy 150 oryndyq, Qordaı aýdany Sortóbe aýylyndaǵy 300 oryndyq orta mektep paıdalanýǵa berildi. Al Jambyl aýdany Qarataý ýchaskesindegi 120 oryndyq, Qordaı aýdany Kenen aýylyndaǵy 600 oryndyq, Masanshy aýylyndaǵy 825 oryndyq, Moıynqum aýdany Myńaral beketindegi 120 oryndyq orta mektep pen Jýaly aýdany B.Momyshuly aýylyndaǵy 280 oryndyq, Moıynqum aýylyndaǵy 140 oryndyq balabaqsha jyl sońyna deıin paıdalanýǵa beriledi dep josparlanýda. Qalǵan 13 bilim nysanynyń, ıaǵnı 5 mektep, 7 balabaqsha, 1 kolledjdiń qurylysy 2014 jyly aıaqtalady.

Búgingi kúni apatty jaǵdaıdaǵy, úsh aýysymdy jáne yńǵaılastyrylǵan ǵımarattarda ornalasqan mektepterdiń máselesin sheshý – eń negizgi mindetterdiń biri bolyp otyr desek, salynyp jatqan mektepter esebinen apatty jaǵdaıdaǵy 30 mekteptiń 5-ýiniń, úsh aýysymdy 4 mekteptiń 2-ýiniń máselesi sheshiledi. Al 1 mekteptiń, ıaǵnı Qordaı aýdanyndaǵy №2 orta mektebiniń 3-shi aýysymda oqıtyn 101 oqýshysy aldaǵy oqý jylynan bastap aýdan ortalyǵynda ornalasqan №3 jáne №4 orta mektepterge aýystyrylatyn bolady. Taraz qalasy Qumshaǵal beketindegi №19 negizgi mektebi qurylysy 2014 jyly júrgiziledi dep josparlanýda.

Sonymen birge, kelesi jyly apatty jaǵdaıdaǵy 4 mekteptiń, ıaǵnı Jýaly aýdanyndaǵy Jańaótkel aýylyndaǵy 50, Qordaı aýdany Alǵa aýylyndaǵy 180, Shý aýdany Saýytbek aýylyndaǵy 150 jáne Báıdibek aýylyndaǵy 150 oryndyq mektepterdiń de qıyn túıini sheshiledi dep kútilýde. Apatty jaǵdaıdaǵy qalǵan 21 mekteptiń máselesi 2015-2020 jyldary kezeń-kezeńimen sheshiletin bolady.

Bilim mekemelerin kúrdeli jáne aǵymdaǵy jóndeýden ótkizý máselesi de bas­ty nazarda. Bul maqsatqa aǵymdaǵy jyly 4 mıllıard 453 mıllıon teńge bólindi. Onyń ishinde: 42 bilim nysanyn (23 mektep, 13 balabaqsha, 2 kolledj, 1 mektepten tys mekemesi, 1 jazǵy saýyqtyrý lageri, 1 mektep-ınternaty jáne 1 balalar úıi) kúrdeli jóndeýge 3 mıllıard 236 mıllıon teńge bólindi.

Al 273 bilim nysanynyń (193 mektep, 52 balabaqsha, 28 basqa bilim mekemeleri) aǵymdaǵy jóndeý jumystaryna 1 mıllıard 217 mıllıon teńge qarastyryldy.

Almaqtyń da salmaǵy bar. О́tken oqý jylynda oblysta bilim sapasyn arttyrý maqsatynda 2012-2013 oqý jylyna arnalǵan mektep bitirýshilerdiń UBT-ge daıyndyǵy men oqytý sapasynyń deńgeıin arttyrý boıynsha qadamdyq is-qımyl jospary ázirlenip, birqatar jumystar júrgizildi. Testileýge qatysqandardyń 81,2 paıyzy qazaq tilinde, 18,8 paıyzy orys tilinde bilimin synap, oblys boıynsha UBT-degi ortasha ball 75,02-ni qurady. Ol ótken jylmen salystyrǵanda 3,69 paıyzǵa joǵary boldy.100-den astam ball jınaǵan bitirýshiler úlesi ótken jylǵy 10,3 paıyzdan 14,4 paıyzǵa jetip, 4,1 paıyzǵa ósti. Eń joǵary 120-124 baldy 37 bitirýshi aldy. Onyń ishinde 124 baldy 3 bitirýshi ıelendi.

«Altyn belgige» usynylǵan 297 úmitkerdiń 124-i óz bilimderin dáleldedi. Bul respýblıka boıynsha Almaty, As­ta­na qalalary men Batys Qazaqstan oblysynan keıin 4-shi oryn boldy. Úzdik attes­tatqa usynylǵan 166 úmitkerdiń 29-y óz bi­limderin dáleldedi. Eń tómen nátıje kór­setken mektepter sany 122-den 114-ke azaıdy. Sóıtip, oblys kórsetkishi res­pýblıka kóleminde 8-shi orynǵa kóterildi.

Sulýshash QURMANBEKOVA,

Jambyl oblystyq bilim basqarmasynyń bastyǵy

Taraz.