Búgin, 18 qazanda Astanada Memleket basshysy, «Nur Otan» partııasynyń Tóraǵasy Nursultan Nazarbaevtyń tóraǵalyǵymen partııanyń kezekten tys XV sezi bolyp ótti. Bul týraly Aqordanyń baspasóz qyzmeti habarlady.
Sezd jumysyna partııanyń barlyq óńirlik fılıalynan usynylǵan 1200 delegat, sondaı-aq shaqyrylǵan myńnan astam qonaq qatysty, olardyń arasynda úkimettik emes uıymdar men jastar uıymdarynyń, dıplomatııalyq korpýstyń ókilderi, mádenıet pen sport qaıratkerleri, memlekettik organdar men ulttyq holdıngter basshylary bar.
Sezd delegattary «Nur Otan» partııasynyń qundylyqtar baǵdaryn belgileýge, partııanyń aldaǵy ondaǵan jyldardaǵy mıssııasyn aıqyndaýǵa arnalǵan jańa saıası Doktrınasyn qabyldady. Sezde partııa Jarǵysyna ózgerister men tolyqtyrýlar engizý, onyń ataýy men emblemasyna, Saıası keńesiniń quramyna ózgerister engizý máseleleri, sondaı-aq baqylaý-tekserý organdarynyń birqatar jaıttary qaraldy.
О́z sózinde Memleket basshysy bul forým Qazaqstannyń jańa tarıhynyń betburysty kezeńinde ótip otyrǵanyn aıtty.
– Qoǵamymyz «Qazaqstan – 2050» Strategııasynda aıtylǵan jańa uly maqsattarǵa batyl qadam basty. Qazaqstan mereıiniń XXI ǵasyrdyń ortasyndaǵy tarıhı asqaqtaýy qysqa da nusqa túrde naqty kórinis tapqan. Strategııanyń ózegi – bizdiń álemdegi eń damyǵan 30 eldiń qataryna qosylýǵa tıis ekenimiz. Bizdiń maqsattarymyzdyń keremet ekeni aıqyn kóringen. Halqymyz qazir qol jetkizgen osyndaı ekonomıkalyq jáne áleýmettik bıikterge ótken tarıhynda eshqashan jetken joq. Buny tek qazaqstandyqtardyń búgingi býyny ǵana júzege asyra aldy. Táýelsizdikti jarııalap, Qazaqstanymyzdy damytyp, biz damý perıferııasynan birjola alystap, Eýrazııadaǵy laıyqty jańa memleketke aınaldyq. Endi búkil álemdik qoǵamdastyqpen biz árdaıym bir ıyqtasa júrýge tıispiz, – dedi Nursultan Nazarbaev.
Qazaqstan Prezıdenti partııanyń XXI ǵasyrdaǵy kóshbasshylyǵy qandaı bolýy kerektigi jónindegi kózqarasyn bildirdi. Atap aıtqanda, Memleket basshysy, «Nur Otan» basty patrıottyq kúshke aınalýǵa tıis ekenin aıtty. Partııanyń mańyzdy mıssııasy, «Qazaqstan – 2050» Strategııasynda atap kórsetilgendeı, jańa qazaqstandyq patrıotızmdi qalyptastyrýdyń jalpyulttyq ortalyǵyna aınalý. Buǵan qosa, partııa jalpyulttyq birliktiń ortalyq býyny bolýy qajet. Bul turǵyda «Nur Otannyń» halyqty toptastyrýshy partııa retindegi mártebesin eskere otyryp, oǵan kópetnosty halqymyzdyń birligi úshin zor jaýapkershilik júkteledi. Ol óńiraralyq baılanysty nyǵaıtý isin de atqarýǵa tıis.
Taǵy bir negizgi mindet retinde Qazaqstan Prezıdenti partııanyń azamattyq qoǵamdaǵy kóshbasshylyǵynyń mańyzdylyǵyn atady. Osy oraıda, ol Azamattyq Alıanspen birlesken jumysty damytyp, adamdardyń naqty problemalaryn sheshetin patrıottyq baǵyttaǵy barlyq úkimettik emes uıymdar múddesiniń qorǵaýshysy bolǵany jón.
Partııanyń kóshbasshylyǵynyń taǵy bir qyry – «Nur Otannyń» ekonomıkalyq jáne áleýmettik ınnovasııalardyń jalpyulttyq qaınar-kózine aınalý. Sondaı-aq, Nursultan Nazarbaev «Qazaqstan – 2050» Strategııasy mindetterin iske asyrý úshin parlamenttik jáne qoǵamdyq baqylaý múmkindikterin keńinen paıdalaný qajettigine toqtaldy.
Qazaqstan Prezıdenti áleýmettik jańǵyrtýdyń mańyzdy baǵyty jastar saıasaty ekenine baılanysty XXI ǵasyrda kóshbasshylyqtyń tizgini tek jastar belsene qoldaıtyn partııada ǵana bolatynyn aıtty.
Sońynda Nursultan Nazarbaev Strategııa-2050-di júzege asyrý arqyly partııanyń basty urany budan da naqtyraq mánge ıe bolatynyn atap ótti.
– Alǵa – jańa ınnovasııalyq-ındýstrııalyq ekonomıkaǵa, birtutas ári uıysqan ult retindegi qazaqstandyqtardyń jańa sapaly ómirine, HHI ǵasyrdyń qarqyndy ári jaýapty memleketi retindegi Qazaqstanyń halyqaralyq bedeliniń jańa shyńdaryna! Bul – bizdiń is-qımylymyzdyń jıyrma birinshi ǵasyrdyń ortasyna deıingi úsh tuǵyrly vektory. Memleket pen partııanyń aldaǵy jumysynyń tarıhı maǵynasy osynda jatyr. Bizdiń ortaq Qazaqstandyq Armanymyzdyń tereń máni de osy, – dedi Memleket basshysy.
Sezd barysynda Parlament Senatynyń depýtaty N.Orazalın, «Altyn júrek» syılyǵynyń uıymdastyrý komıtetiniń tóraıymy J.Omarbekova, Parlament Májilisi komıtetiniń tóraǵasy M.Áshimbaev, «Erke-Nur» kompanııasynyń prezıdenti F.Merhamıtqyzy, Qostanaı qalasy máslıhatynyń depýtaty T.Novıkova, «Oqjetpes» emdeý-saýyqtyrý kesheniniń basshysy K.Tósekbaev, Qyzylorda oblysy Jańaqorǵan aýdany Sýnaq ata aýyldyq okrýgynyń ákimi A.Qystaýbaeva sóz sóıledi.
Sezd sońynda «Nur Otan» partııasynyń kóshbasshysy N.Á. Nazarbaevtyń tóraǵalyǵymen jáne Úkimet músheleri men óńirlik fılıaldar basshylarynyń qatysýymen partııa Saıası keńesiniń keńeıtilgen Bıýro otyrysy ótti. Onyń barysynda partııany jańǵyrtýǵa, apparat jumysynyń tıimdiligin túbegeıli kóterýge baılanysty naqty tapsyrmalar berildi.