Irak memleketiniń astanasy Baǵdat qalasynda oryn alǵan eki birdeı teraktiden 55 adam qaza taýyp, taǵy 45-ke jýyǵy jaraqat alǵan. Bul týraly ITAR-TASS habarlady.
«As-Sýmarııa» telearnasynyń bergen málimetine qaraǵanda, ústinde jarylǵysh zaty bar jankeshti El-Amel aýdanyndaǵy dámhanaǵa kirip, óz ózin jaryp jibergen. Dál osy sátte ǵımarat ishinde aldyn ala jasyrylǵan mına da iske qosylǵan kórinedi. Oqıǵa ornynda qutqarýshylar men medısına qyzmetkerleri jumys isteýde.
Qazirgi ýaqytta Irak aýyr krızısti bastan ótkerýde. Munda kúndelikti jarylystar men sodyrlardyń shabýyldary oryn alyp jatady. Jyl basynan beri Iraktaǵy lańkestik áreketterden 6 myń adam qaza bolǵan. О́tken aıda oryn alǵan teraktiler munda myńnan asa adamnyń ómirin qısa, osy aıda onyń sany 500-ge jetip otyr.
Aıdar О́risbaev.