Almaty qalalyq ishki ister departamenti jol polısııasy basqarmasynyń qyzmetkerleri jemqorlyq qylmystary úshin jaýapkershilikke tartyldy. Bul týraly BNews.kz habarlady.
Jetisý aýdandyq soty jol polısııasy basqarmasynyń qyzmetkerleri birneshe márte para alǵany úshin aıyptaý úkimin jarııa etti. Jol polısııasynyń biri Qylmystyq kodekstiń 311 baby 4 tarmaǵynyń «b, g» tarmaqshalarymen aıyptalyp, 5 jyl memlekettik organdarda qyzmet etý quqyǵynan jáne polısııa kapıtany ataǵynan aıyrylyp, múlki tárkilene otyra 8 jyl 6 aıǵa, al ekinshi ınspektor de osynsha merzimge bas bostandyǵynan aıryldy. Olar jazasyn jalpy rejimdegi túzeý kolonııasynda óteıdi. Eskere ketetin jaǵdaı, úkim áli zańdy kúshine engen joq.
Baqytbek Keneshuly.